2018 жылғы 5 шілдеде "ЭКСПО" Конгресс-орталығында Astana Finance Days халықаралық қаржы конференциясы аясында Astana International Financial Centre Astana (АХҚО) халықаралық қаржы орталығының ресми ашылу рәсімі өтті. Орталық БЭК және Орталық Азия аймағындағы қаржылық қызметтердің ірі жеткізушісі болуға арналған. АХҚО-ның негізгі ерекшелігі инвесторларға таныс және ыңғайлы жалпы ағылшын құқығының юрисдикциясы болып табылады.
АХҚО ашылуында Исламдық қаржы колледжімен әріптестік байланыс орнатылды (Доха, Катар). Кездесу барысында Исламдық қаржы саласында бірлесіп маман даярлау мәселелері талқыланды.
Кездесуге Хамад бин Халифа университетінің президенті Ахмад М. Хасна, Ислам экономика және қаржы ғылыми-зерттеу орталығының директоры Саид Назим, Исламтану колледжінің директоры Эмад Эль-Дин Шахин және ҚазҰУ ғылыми орталықтары мен факультет басшылары қатысты. «Бүгінде ҚазҰУ исламдық қаржыландырудың дамуына қызығушылық білдіріп, үлкен мән беруде. Маңызды зерттеу әлеуеті мен халықаралық ғылыми жобаларды жүзеге асыруда үлкен тәжірибеге ие, қаржы және экономика саласында жоғары білікті мамандар дайындайтын ЖОО ретінде Хамад бин Халифа университетімен стратегиялық серіктестігіміз дами бермек» деген ҚазҰУ ректоры университетпен ынтымақтастыққа аса көңіл бөліп отырғандығы үшін делегация құрамына зор алғыс білдірді.
Катар мемлекетінің Орталық банкінің төрағасы шейх Абдолла бен Сауда Әл-Тани әл-Фараби атындағы ҚазҰУ-да исламдық қаржыландыру және банкинг тақырыбында дәріс оқыды.
