2009 жылдың 31 наурызы күні әл-Фараби атындағы ҚазҰУ-дың журналистика факультеті Жас тілшілер форумын өткізеді. Форумға университет ректоры Б.Т. Жұмағұлов, бұқаралық ақпарат құралдары, Қазақстан жастар ұйымы, сондай-ақ, жастар жобасын қолдаушы халықаралық ұйым өкілдері қатысады.
2009 жылдың 19 наурызы күні журналистика факультетінде ашық есік күні болып өтті. Талапкерлер үшін сағат 10-нан кешкі 5-ке дейін журналистика факультеті оқытушыларынан қызықты ақпараттар алуға мүмкіндік туды.
Оқушылар арасында пәндік олимпиада өткізу мақсатында Қарағандыға журналистика факультетінің аға оқытушысы Ложникова Ольга Петровна барып қайтты. Олимпиада № 63 орта мектебінде болды.
ҚазҰУ-дың делегация құрамында университет ректоры Б.Т. Жұмағұлов, ғылыми жұмыс жөніндегі проректор Н.М. Темирбеков, ғылым докторлары, профессорлар У.С.Әділбеков, Т.А. Карпенюк, М.М. Бүркітбаев, Б.М. Мухамедиев, Г.Р.Усеинова, Г.С.Әбдірайымова, Ж.К. Баймағамбетов, Ф.Т. Кукеева, Б.К. Майтановтар болды. Журналистика факультетінен т.ғ.д., профессор С.Х. Барлыбаева қатысты.
Журналистика факультетіне профессор Ғ.Ж. Ибраеваның шақыруымен АҚШ-тың Огайо университетінің телекоммуникация профессоры Моулд Дэвид келіп, факультет профессор-оқытушылары мен 3-4 курс студенттерімен кездесті.
Әр мамандықтың өзіне тән алға қарай жетелейтін баспалдағы болады. Журналистер үшін қажетті баспалдақтың бірі – мемлекеттік арнада жұмыс істеу. Ал біздің факультет студенттері үшін белгілі тұлғалармен тілдесудің өзі үлкен арман екені даусыз.
2009 жылдың 24 ақпанында әл-Фараби атындағы ҚазҰУ-дың журналистика факультеті «Хабар» агенттігінің белді журналистерімен кездесу өткізді. Факультет студенттердің теориялық және тәжірибелік жағынан терең білім беруді алдыңғы орынға қойып, Қазақстан бұқаралық ақпарат құралдарында еңбек етіп жүрген тәжірибелі журналистердің шеберлігін үзбей оқытып келеді.
11 ақпан күні сағат 12.00-де әл-Фараби атындағы Қазақ ұлттық университетінің журналистика факультетінде “Қазақ журналистикасы” атты 3-томдықтың (жалпы редакциясын басқарған: профессор Н. Омашев) тұсаукесері өтеді. Үштомдық ҚР Білім және ғылым Министрлігі мен ҚР Мәдениет және ақпарат Министрлігінің Ақпарат және мұрағат комитетінің 017 “Әлеуметтік маңызды әдебиет түрлерін шығару” бағдарламасы аясында шығарылып отыр.
9 желтоқсанда сағат 9.30-да Әл-Фараби атындағы Қазақ ұлттық университетінде «Егемен Қазақстан» газетінің күндері» атты фестивалінің ашылу салтанаты болып өтті.
