ҚазҰУ ғалымдарының әлемдік жетістіктері 

V Халықаралық Фараби оқулары шеңберінде ҚазҰУ-да Ғылым күніне арналған үлкен іс-шара өткізілді, онда университет ғалымдарының ғылыми-зерттеу жұмыстарының қорытындысы шығарылды.

Жұмыс нәтижелерін қорытындылай келе, «Web of Science» және «Scopus» дерекқорларында индекстелетін халықаралық басылымдардағы жарияланымдар саны жылдан жылға өсіп келе жатқандығы атап өтілді. Бұл ең алдымен ғылыми зерттеулер сапасының артуы мен әлемнің алдыңғы қатарлы университеттері мен ғылыми-зерттеу орталықтарымен ыңтықмастықтың арқасы.

Мысалы, халықаралық зерттеу топтарында жұмыс істеген ҚазҰУ ғалымдары К.Куратов пен В. Зайберттің екі мақаласы «Nature» және «Science» атты ең жоғары импакт-фактор көрсеткіштеріне ие беделді ғылыми журналдарында басылып шықты. Айта кету керек, жоғары рейтингілік басылымдардағы әрбір бесінші қазақстандық мақала – ҚазҰУ ғалымдарының үлесі.

Химия және химиялық технология факультетінің профессоры Г.Мун интерполимер кешендері ғылымындағы танылған көшбасшы болып табылады. Ғылыми әлемдегі беделді «Web of Science» агенттігінің мәліметі бойынша аталмыш ғалым және оның шәкірті В. Хуторянский осы ғылыми бағыт бойынша ғалымдардың әлемдік рейтингісінде бірінші орынға ие.

Әл-Фараби атындағы ҚазҰУ ғалымдары әлемдегі ұқсастығы жоқ инновациялық технологияларды дамытуда. Осылайша, ректор, академик Ғ.Мұтанов басқарған ғалымдар тобы бериллий алудың инновациялық технологияларын құрды және үш АҚШ патентін иеленді.

ҚазҰУ-дың ғылыми мектебі теориялық плазма физикасы бойынша әлемдік жетістіктерімен танымал. Академик Т. Рамазановтың жетекшілігімен ҚазҰУ ғалымдары әзірлеген теңдеулер мен модельдер негізінде әлемнің танымал университеттері бейсызық плазмалардың қасиеттері бойынша зерттеулер жүргізуде. Мектеп өкілдерінің ғылыми мақалаларына әлемнің ғалымдары тарапынан үш мың рет сілтеме жасалынған.

Соңғы үш жылда ҚазҰУ-дағы ғылыми зерттеулер көлемі екі есеге артқандығын атап өту қажет.