Халықаралық қатынастар факультеті Сізді сәуірдің 11-13 аралығында өтетін «Фараби әлемі» студенттер мен жас ғалымдардың Халықаралық конференциясына қатысуға шақырады.  

Конференцияға қатысуға ҚР, ТМД және алыс шетел елдерінің студенттері, магистранттары, жас ғалымдары шақырылады.

Конференцияның негізгі мақсаттары мен міндеттері:

1)      студенттерді ғылыми-зерттеу және оқу-танымдық қызметіне ынталандыру;

2)      студенттер мен жас ғалымдарды қазіргі заманның ғылыми мәселелерін шешуге жұмылдыру;

3)      студенттердің шығармашылық қабілеттерін ашу, дарынды және зерек студенттерді іріктеу және оларға қолдау көрсету;

4)      студенттердің зияткерлік мүмкіндіктерінің қалыптасуына көмектесу.

Конференцияға қатысуға байланысты барлық шығындар қатысушылар тарапынан төленеді.

Конференцияда қазіргі кездегі халықаралық қатынастар, экономика және құқық салаларындағы өзекті мәселелер талқылануы жоспарланған.

Халықаралық конференцияның жұмыс тілдері – қазақ, орыс, ағылшын.

2016 жылдың 11-13 сәуір аралығында өтетін конференция шеңберінде келесідей шаралар өткізіледі:

• Секциялық отырыстар (11 сәуір)
• Дөңгелек үстелдер
• Эссе байқаулары
• Халықаралық олимпиадалар
• Плакаттар байқауы
• Іскерлік ойындар

Конференция материалдарының тезистері жеке жинақта басылып шығады.