Студенттік өмір
|
Академиялық ұтқырлық бойынша саясаттану және саяси технологиялар кафедрасында оқитын шетелдік студенттер
1 курс таланттары - 2020 жыл сайынғы байқауында саясаттану және саяси технологиялар кафедрасының 1 курс студенттері гитарамен ән айту номинациясында Копеев Кастер 1 орын және Пернебек Айбол 2 орын иеленді!
|
|||||||||||||||||
|
Пресс-релиз
Әл-Фараби атындағы Қазақ ұлттық университетінің Саяси ғылымдар және саяси технологиялар кафедрасы Zoom платформасында онлайн 2020 түлектерінің кездесуін өткізді. Конференцияға саясаттану кафедрасын бітірген түлектер, сонымен қатар кафедра оқытушылары қатысты. Конференцияны 2015 жылдың кафедра түлегі, «HOLA News» бас редакторы Иткулов Сырым жүргізді. 2020 ж. Саясаттану және саяси технологиялар кафедрасы түлектерінің кездесуі әл-Фараби атындағы ҚазҰУ ректоры, Қазақстан Ұлттық ғылым академиясының академигі, т.ғ.д. Мұтанов Ғалымқайыр Мұтанұлы және Қазақстан Республикасы Конституциялық Кеңесінің Төрағасы, әл-Фараби атындағы Қазақ ұлттық университеті Түлектер қауымдастығының президенті, заң ғылымдарының докторы, профессор Қайрат Әбдіразақұлы Мами құттықтау видеосымен басталды. Түлектер Фараби атындағы ҚазҰУ Түлектер қауымдастығы ұсынған тәлімгерлік жобаны қолдады. Кездесуде Саяси зерттеулер қауымдастығының президенті, саясаттану ғылымдарының докторы, профессор Алияров Есенжол Қаниевич, «Альтернатива» өзекті зерттеулер орталығының директоры, т.ғ.д. Чеботарев Андрей Евгеньевич, Сәтбаев университетінің доценті, Қазақстан Республикасы Тұңғыш Президенті Қоры жанындағы Ғылым жөніндегі кеңестің мүшесі, PhD Токтаров Ермек Бауыржанұлы, Қарағанды облысы әкімінің орынбасары, саяси ғылымдар кандидаты, Нүкенов Абзал Нүкенұлы және басқалар сөз айтты.
Кафедра түлектері өздерінің жетістіктерімен бөлісті, алған білімдері олардың кәсіби қызметіне қалай көмектесетіні туралы айтып берді. Саясаттану және саяси технологиялар кафедрасының оқытушылары барлық түлектерге кафедраны қолдағаны және ынтымақтастық үшін алғыс білдірді. Саясаттану және саяси технологиялар кафедрасы түлектерінің кездесуі әл-Фараби атындағы ҚазҰУ түлектерінің дәстүрлі «Құрдастар» әнімен аяқталды.
Мамыр айының 30-шы жұлдызында сағат 11.00-де Әл-Фараби атындағы ҚазҰУ, Философия және саясаттану факультеті, Саясаттану және саяси технологиялар кафедрасы «ҚазҰУ Түлектерінің күніне» арналған онлайн кездесу өткізеді. Өтетін орны: Zoomплатформасы Конференция идентификаторы: 991 359 6505 Пароль: 12345
«Саясаттану» мамандығы бойынша XII Республикалық студенттік пәндік олимпиада
2020 жылғы 16 сәуірде, сағат 17: 00-де, «5B050200-Саясаттану» мамандығы бойынша Нұрсұлтан Назарбаевтың Республикалық пәндік олимпиадасының онлайн-конференциясы өтті.
|
|||||||||||||||||
|
ОНЛАЙН СЕМИНАР:
|
|
"Политолог" пікірталас клубы "Жүз кітап" жобасы аясында іс-шара өткізді»
|
|
|
Саясаттану және саяси технологиялар кафедрасының студенттері Алтынбек Рахметов, Молдашев Ернұр және Әрмен Берік сәуір айында М.В.Ломоносов атындағы Мәскеу мемлекеттік университетінің саясаттану факультетінде оқу форматында ғылыми тағылымдамадан өтті. |
|
|
15 қараша сәрсенбі күні 15-00-де Елбасы - Қазақстан Республикасы Бірінші Президенті кітапханасы «Н. Назарбаев: дәуір, тұлға, қоғам» атты жылжымалы ғылыми-ағартушылық, мәдени көрмелік жобасы аясында «ПОЛИТОЛОГ» студенттік дискуссиялық клубында, Елбасы - Қазақстан Республикасы Бірінші Президенті кітапханасының директорының орынбасары Тимур Шамергеновпен, сонымен қатар, саяси ғылымдар кандидаты «Назарбаев моделі» кітабының авторларының бірі, халықаралық жобалар қызметінің жетекшісі Мариан Абишевамен, және кітапхананың стратегиялық зерттеулер қызметінің жетекішісі Михаил Мироненкомен кездесу ұйымдастырылды. Кездесу өте жақсы деңгейде өтті, студенттер қызықты сұрақтар қойып, маңызды ақпараттарды білді. |
 |
Саясаттану және саяси технологиялар кафедрасының студенттері, Ауғаныстан Республикасның азаматтары, мемлекетаралық келісімге сәйкес "5В050200-Саясаттану" бөліміне қабылданды. |
|
|
Саясаттану және саяси технологиялар кафедрасының 2 студентіі Қоспанов Расул XIX Дүниежүзілік жастар мен студенттер фестивалінде Қазақстан делегациясының құрамында қатысты. (Сочи қ. Ресей) |
 |
Ерлан Карин мырза Саясаттану бойынша студенттер арасында өткен республикалық конкурс жеңімпаздарын марапаттады. Республика бойынша барша саясаттанушы студенттер жыл сайынғы өткізілетін жас ғалымдар арасындағы ғылыми жұмыстар байқауына қатысып, 1 ай көлемінде байқауға қатысушылар жұмыстары қаралды. Нәтижесінде зияткерлік байқаудың жеңімпаздары үшін арнайы танымал ғалымдардың: Т.Т. Мустафин, С.Е. Жусупов, М.С. Машанов және Н.Э. Масанов атындағы шәкіртақылар тағайындалды. Жеңімпаздар: Муканова Асия, Шайхығали Ерлан, Жунусова Айгерим және Л.Гумилев атындағы ЕҰУ студенті. |
|
|
АҚШ генералды консулы Марк Муди және АҚШ елшілігіндегі "Саясат" бөлімінің басшысы Фриман Жу, сондай-ақ АҚШ консулдығының "Саясат және экономика" бөлімінің қызметкері Тимоти Оконнер, ҚазҰУ бірінші проректоры Мұхамбетқали Бүркітбаев, философия және саясаттану факультеті деканы Алия Масалимова, саясаттану және саяси технологиялар кафедрасында қонақта болды. Белгілі саясаттанушы Досым Сатпаевтың ұйымдастыруымен өткен кездесуде АҚШ елшілігі Т.Мұстафин атындағы кітапханаға 150 астам кітаптарды сыйға тартты. Кездесу барысында саясаттанушы студенттер сұрақтар қойып, өздерін қызықтыратын тақырыптарды қозғады. |
 |
Саясаттану және саяси технологиялар кафедрасы, кафедра түлектері: ҚР Президенті баспасөз қызметінің меңгерушісі Қанат Искаков және Алматы қ. әкімшілігінің қызметкері Жанель Рамазановамен кездесі өткізді. Кездесі барысында Қанат Искаков баспасөз қызметі жайында, саяси консалтинг турасында әңгіме дүкен құрды. Әдеттегідей студенттердің және оқытушылық құрамның қояр сұрағы көп болды. Студенттер бұл кездесуден ерекше әсер алып, баспасөз қызметінің жұмысына тәнті болды. |
 |
Саясаттану және саяси технологиялар кафедрасының студенттері және оқытушылық құрамы белгілі саясаттанушы, сарапшы, атақты зерттеуші Сұлтан Акимбековпен кездесі өткізді. Сонымен қатар, Сұлтан Марупович, Т.Мұстафин атындағы саясаттану кітапханасына өз кітаптарын сыйға тартты. Кездесу барысында студенттер түрлі сұрақтар қойып, өздеріне қажетті ақпарат ала білді. Сұлтан Акимбеков өз кезегінде өзінің тәжірибесімен бөлісіп, өскелең ұрпаққа ақылын айтты. |
 |
Бүгін саясаттану және саяси технологиялар кафедрасында, "ПОЛИТОЛОГ" студенттік клубының қолдауымен белгілі саясаттанушы, президент жанындағы стратегиялық зерттеулер институтының директоры, кафедра доценті Ерлан Каринмен "Діни экстремизм мен радикализм қауіп қатерлері" тақырыбында лекция өтті. |
|
|
Бүгін "Тілеміс Мұстафин" атындағы саясататну және саяси технологиялар кафедрасының кітапханасында, белгілі саясаттанушы Досым Сатпаев және шығыстан келген қонақ Нацуко Ока студенттермен кездесуде болды. Нацуко Ока өзінің "Другая Япония Жизнь без чайной церемонии" атты кітабымен таныстырды. Күн Шығыс елінің боямасыз бүгігіні туралы әңгіме қозғап, Жапония туралы қалыптасқан көптеген стереотиптерді жойды. кездесу өте қызықты өтті. Кітапхана тағы бір қызықты әрі пайдалы кітаппен толықты. |
 |
“Көзқарас” жобасының аясында Философия және саясаттану факультетінің, "Политолог" клубының қолдауымен “Тәуелсіздікке 25 жыл: тыңғылықты нәтижелер” тақырыбында бас қосу өтті. Спикер ретінде танымал қоғам қайраткерлері Айдос Сарым, Расул Жұмалы, Бақытжан Бұқарбай, Философия және саясаттану факультетінің деканы Алия Масалимова және Саясаттану және саяси технологиялар кафедрасының меңгерушісі Гульнар Насимова сөз сөйлеп, салиқалы да қызықты ойлар қозғады. Қазақстанның егемендікке ие болғаннан бергі мемлекет тарапынан жасалынған әрекеттер және олардың нәтижелері, соңғы екі он жылдықта атқарылған еңбектің қорытындысы және тың жобалар, жаңа бағыттар, нақты мақсаттар. Осының бәрі бас қосуда қызу талқыланып, іс-шара ортақ ой – елдігімізді одан әрі сақтап, жаңа биіктерді бағындыру идеясымен аяқталды. |
|
|
06.06.15 ж. Шәкіртақылар тағайындау рәсімі Саясаттану ғылымына үлес қосқан белгілі тұлғалар атындағы шәкіртақылар тағайындаудың игі дәстүрі саясаттану кафедрасында қалыптасып келеді. Осыған орай 2015 жылдың 6 маусымында саясаттану кафедрасында, белгілі тұлғалар Тілеміс Мұстафин, Нұрболат Масанов, Сәбит Жусупов, Мейіржан Машан атындағы шәкіртақылар берілді. Осындай жақсы іс-шараға мұрындық болған белгілі саясаттанушы Е.Т. Карин мырзағауниверситеттің дамуына айрықша үлес қосқаны үшінуниверситет ректоры Ғ. Мұтанов атынан «Әл-Фараби атындағы ҚазҰУ-ға 80 жыл» мерейтойлық медалі табыс етілді. Шәкіртақы иегерлері, студенттер мен магистранттардың орындаған ғылыми жұмыстары негізінде өткізілген байқау нәтижелері арқылы анықталды. Шәкіртақы тағайындауға ниет білдірген Қазақстан Республикасы президенті жанындағы ҚСЗИ директоры Ерлан Карин болып табылады. Зияткерлік байқаудың мақсаты студенттер арасындағы ғылыми ізденісті, сараптамалық зерттеуге деген қызығушылықты арттыру болып табылады. Ғылыми жұмыстар мына тақырыптар бойынша жазылған болатын: «Қазақстандағы саяси модернизация», «Қазіргі заманда Қазақстандағы саяси ғылымның дамуы», «Қазақстандағы саяси жүйенің трасформациясы», «Орталық Азия қауіпсіздігі: қауіп-қатерлер мен шешім жолдары». Осының нәтижесінде шәкіртақы иегерлері анықталды. Тілеміс Мұстафин атындағы шәкіртақы иегері Иманбай Жандос, Нұрболат Масанов атындағы шәкіртақы иегері Тұрсынқұлов Дәурен, Сәбит Жусупов атындағы шәкіртақы иегері Нышанбаев Нұрболат және де Мейіржан Машан атындағы шәкіртақы иегері Абдрашитова Айгерім. Шәкіртақы тағайындау рәсімі тату және жылы атмосферада өтті. Іс-шараның ерекшелігі, шәкіртақыларды студенттерге ғалымдардың туған-туыстары тапсырды. Шәкіртақы иегерлері өздерінің жылы лебіздерін, алғыстарын білдірді. Сонымен қатар университет ректоры Ғ. Мұтанов университеттің дамуына айрықша үлес қосқаны үшін Е.Т. Карин мырзаға «Әл-Фараби атындағы ҚазҰУ-ға 80 жыл» мерейтойлық медалі табыс етілді. |
|
|
|