ҚазҰУ шет тілдер кафедрасының аға оқытушылары У.Б. Әділбаева мен Г. А. Гайипова "Онлайн оқу" тақырыбында "Қазақстан-Қырғызстан" телекөпірін ұйымдастырды. Іс-шараға ҚазҰУ-дың "Ақпараттық технологиялар" факультетінің бірінші курс студенттері және Қырғыз-Түрік "Манас" университетінің студенттері қатысты. ҚазҰУ студенттері Қырғызстандық достарымен екі университеттің бейнероликтерін көрді, содан кейін қатысушылар пікір алмасуға және бір-біріне пандемия кезінде онлайн оқыту кезіндегі өздерін қызықтыратын сұрақтарын қоюға мүмкіндік алды.

Олар оқытудың бұл түрінің артықшылықтары мен кемшіліктері туралы ой-пікірлерін ортаға салып, пікірталаста жақсы белсенділік танытты. Телекөпір өте қызықты, мазмұнды өтті және әр студент осы телекөпірден өзі үшін пайдалы нәрсе ала алды. Телекөпір Google Meet платформасында ұйымдастырылды.