Марапат
03.02.2023
Көрулер: 563
 |
| 03.02.2023 жылы ҚР Ғылым және жоғары білім министрі Саясат Нұрбек мырза ғылымның дамуына елеулі үлес қосып, ел ертеңі үшін ерінбей еңбек етіп жүрген үздік ғалымдарды марапаттады. Еңбегі еленіп, алғысқа бөленгендердің қатарында әл-Фараби атындағы Қазақ ұлттық университетінің түркітану және тіл теориясы кафедрасының меңгерушісі, филология ғылымдарының докторы, профессор, Авакова Раушангүл Амирдиновна да бар. Ұзақ жылдар бойы Қазақстан ғылымы үшін аянбай тер тегіп жүрген Раушан Амирдиновна үздік ғылыми қызметкерлерге арналған мемлекеттік стипендияға әбден лайықты. Раушан Амирдиновна Авакова белгілі тюрколог ғалым. Еліміздегі түркітанулық зерттеулердің ілгерілеуі жолында бірқатар ғылыми жобаларды жүзеге асырып, ғылыми мәселелердің шешімін табу мақсатындағы халықаралық конференциялар мен симпозиумдарда түркі дүниесі ғалымдарының басын біріктіріп жүрген білікті маман. Раушан апай ғылымдағы ғұмырында ұрпақ тәрбиесін қатар алып жүрген ұлағатты ұстаз. Профессор Р.А. Авакова қолынан жетектеп ғылымға әкелген шәкірттері бүгінгі таңда отандық тіл білімін дамытуға айтулы үлес қосып келеді. Ұлағатты ұстаз, дарынды ғалым Авакова Раушан Амирдиновнаға алдағы еңбек жолында алар асулары аласармай, абыройы асқақтай беруін тілейміз! |