Хабарландыру! "Үздік лингвист - 2014" байқауына қатысуға шақырамыз!
04.02.2014Филология, әдебиеттану және әлем тілдері факультетінің 3 курс студенттерін ҚазҰУ-дың 80 жылдығына орай жалпы тіл білімі және шетел филологиясы кафедрасының ұйымдастырып отырған дәстүрлі «Үздік лингвист» байқауының І Университетаралық студенттер зияткерлік сайысына қатысуға шақырамыз.
Байқаудың шарттары бойынша қатысушы студент өзін-өзі таныстырып, тіл біліміне қатысты жалпы сұрақтарға, генеалогиялық және типологиялық классификация және арнайы курстар бойынша сұрақтарға дайын болуы тиіс.
«Үздік лингвист-2014» байқауына өтініш 2014 жылдың наурыз айының 10 жұлдызына дейін қабылданады.
«Үздік лингвист» байқауы 2014 жылдың 3 сәуір күні сағат 11.00-де, филология, әдебиеттану және әлем тілдері факультетінде өтеді.
Байқауға қатысуға ниет білдірген студенттер жалпы тіл білімі және шетел филологиясы кафедрасына хабарласуына болады.
Қосымша байланыс телефондары: Тел: 8 (727) 377-33-39 (ішкі 13-29), 8-778-422-45-65 Бөрібаева Гүлнара Әбдіқасымқызы.