Университетінің биология мұражайы 1936 жылы биология факультетінің зоология кафедрасының жанынан зоология, ал 1949 жылы биология мұражайы болып ашылған. Қазіргі мұражай 1984 жылы университеттің 50 жылдық мерей той қарасаңында ашылды. әл-Фараби атындағы Қазақ ұлттық университетінің Биология мұражайы республика аумағында ғана емес, ТМД жоғарғы оқу орындарының арасында теңдесі жоқ бірегей мұражай. Бұл мекеме университеттің Phd, магистранттар мен бакалаврлар пайдаланатын ғылыми-зерттеу және ғылыми-ағарту орталығы.

Мұражай қордан жәнекөрме үлкен залынан тұрады. Мұражай қоры сүтқоректілер, құстар және жәндіктер бөлімінен тұрады. Көрме залы 3 бөлімнен тұрады, 1 және 2 қабаттардың қабырғаларында орналасқан “жануарлар мен өсімдіктер әлемінің жүйесі” деген бөлімдерде 84 витриналарда 5000-нан аса жәдігер қойылды. Бұл залдардағы жәдігерлер биология ғылымдарының қазіргі тақырып бағыттарына байланысты жүйелі түрде бөлімдерге қойылған:

I. Қазақстан табиғатының биоалуантүрлілігі

II. Жердің даму тарихы және тіршіліктің пайда болуы

III. Табиғат қорғау

ІV. Жануарлар әлемдерінің жүйесі

V. Өсімдіктер әлемдерінің жүйесі