4 декабря 2014 года в рамках проекта «Айналаңды нұрландыр»  с участием студентов 1-курса факультета механики и математики прошел круглый стол на тему «Слова назидания Абая – источники воспитания», организатор преподаватль кафедры казахского языкознания Т.Сейдимханова.

Көрнекі құралдары: сахнаны безендіруге қатысты түрлі-түсті шарлар, жазылған қанатты сөздер, презентация, видео-ролик, музыкалық апарат, фотоапарат, дастархан.  

 Дөңгелек үстелдің мақсаты:

 Ұлы Абайдың қара сөздерінің мәнін, мағынасын терең ашу,  бүгінгі күнмен байланыстыру, пікір алмасу, ой қозғау, студенттердің сөйлеу тілін жетілдіру.

 Ануар: Армысыздар, қымбатты оқытушылар мен студенттер! «Абайдың даналық сөздері – өнеге көздері»  атты дөңгелек үстелімізге қош келдіңіздер! 

Динара: Қазақ ақындарының әр қайсысы шын мәніндегі дарын, қайталанбас шығармашылық тұлға ретінде дара. Иә, ұлылар, ұлылар! Кім ұлы десек қазақта жетеді ғой, шіркін-ай! Бірақ соның ішінде Абай – ең дарынды, ең шебер ақын.

 Ануар: Абайдың «Көзімнің қарасы» әні. Орындайтын Динар мен Фариза.

 Ануар: Ия, Абай – ойшыл, сыршыл, шыншыл, сыншыл, философ ақын. Ол елім, жерім деп жырлаған. “Қалың елім, қазағым, қайран жұртым” деп елдік тұрғысынан ой қозғаған ақын.

 Динара: Дұрыс айтасың, Ануар. Ақын, бар асыл ойын жастарға, еліне арнаған. Ендеше, Абайдың поэзиялық, прозалық мұраларын бізге берілген санаулы уақыттың ішіне сыйғызу мүмкін емес шығар. Олай болса, бүгінгі отырысымызды ақынның даналыққа толы, өмірге өнеге болған қарасөздеріне арнаймыз.