Жаңалықтар күнтізбесі

 

әл-Фарабидың 1150 жылдығына арналған Түлектер күні

30 мамыр 2020 жыл

Биология және биотехнология факультеті, молекулалық биология және генетика кафедрасының биылғы түлектер кездесуі онлайн форматта ZOOM платформасында өтті. Жиынға кафедра меңгерушісі Жунусбаева Жазира Кабуловна бастаған кафедра ұжымы, аға буыннан жас буынға дейінгі түлектеріміз, сонымен қатар осы 2020 оқу жылының бітіруші түлектері қатысты. Сөз басын кафедра меңгерушісі Жазира Кабуловна Әл-Фарабидің 1150 жылдық мерейтойымен, және бүгінгі атаулы күн - “Түлектер күнімен” құттықтау сөздерімен бастады. Әрі қарай жиын қатысушылары университетіміздің ректоры Мутанов Ғалымқаир Мутановичтың білімнің қара шаңырағының барлық түлектерін “Түлектер күнімен”, Ұлы ұстаз әл-Фарабидың 1150 жылдық мерейтойымен құттықтау бейне үндеуіне қосылды. Сонымен қатар, түлектерді атаулы күнмен құттықтап Түлектер қауымдастығының президенті, ҚазҰУдың 1981 жылғы түлегі Қайрат Әбдіразақұлы Мәми өз видеоқұттықтауын жолдады. Іс-шарада әрі қарай кафедрамыздың дамуы мен келешегі туралы видеоролик көрсетіліп, құттықтау легі 1975 жылғы кафедрамыздың түлегі б.ғ.к. Калимагамбетов Айткали Мажитович, 2000 жылғы түлектеріміз Чунетова Жанар Жумабековна, Алтынова Назым Калихановна т.б қазіргі таңда ғылымда айтулы жетістіктерге жетіп жүрген түлектерімізде өз құттықтауларын жеткізді. 1990 жылғы кафедрамыздың ең алғашқы түлектерің бірі,қазіргі таңда профессор,академик Бисенбаев Амангелді Куанбаевич тұспа-тұс келіп отырған қос мерекемен видео-құттықтауын жолдады. Кафедрамыздың 2007 жылғы түлегі , мақтанышы әлемдік дүрбелең туғызған COVID-19 пен қарсы күресте тест-жүйе жасап шығаруда тікелей қатысқан Ұлттық биотехнология орталығының Алматы қалалық филиалының директор орынбасары Юрий Скиба да өзінің жүрек жарды тілектерімен бөліскен видеоролигін жолдады. Сонымен қатар әлемнің, еліміздің түкпір түкпірінде өз білімдерін жетілдіріп жүрген, кафедрамыздан түлеп ұшқан түлектеріміздің де видео құттықтауларын қабылдадық. Құттықтау шеруін биылғы 2020 оқу жылының бітіруші жас түлегі Қоныс Камилада өз құттықтауымен толықтырды.

Қара шаңырақтан түлеп ұшқан түлектердің жыл сайын өтетін мерекелік іс-шарасы осы жылы онлайн форматта өткізумен шектелгеніне қарамастан түлектеріміздің бір-біріне ақ тілектерін айтып, өскелең жас буынға өнегелі ақылын жеткізіп, ерекше көңіл-күйде өтті.

Жиын соңында барлық қатысушылар бірге “Армандастар” әнін ерекше толқыныспен шырқады.

 


 

Бізді Түлектер күнімен құттықтауда

 

25 мамыр 2020 ж.

 

Әл-Фараби атындағы ҚазҰУ-да Түлектер күні 2011 жылдан бастап аталып келеді, әрі бұл биология және биотехнология факультетінің молекулалық биология және генетика кафедрасының көптеген түлектері үшін дәстүрге айналған.

Биыл Қазақ ұлттық университетінің және молекулалық биология және генетика кафедрасының Түлектер күніне орай ұйымдастырылған мерекелік іс-шаралар әл-Фарабидің 1150 жылдығына арналған және 30 мамырда online режимінде өтеді.

Бүкіл әлемді дүр сілкіндірген ковид-19 пандемиясына байланысты туындаған алуан түрлі мәселелерге қарамастан, кафедраның әр жылдардағы түлектері бұл айтулы күнді - Түлектер күнін ұмытпай, Alma mater –ге өздерінің құттықтаулары мен тілектерін жолдауда:

 

 

Койшыбаева Зоя Кашкинбаевна:

«Мен әл-Фараби атындағы Қазақ Ұлттық университетінің биология факультеті молекулалық биология және генетика кафедрасының 2003 жылғы түлегімін. Қазақстандағы тұңғыш университет қабырғасында терең білім алып, оны әрі қарай тәжірибеде шыңдау мақсатында білім беру саласында жұмыс жасап келемін. Тынымсыз еңбектің арқасында Қазақстан Республикасының үздік ұстазы, білім саласының құрметті қызметкері секілді жетістіктерге жеттім. Қазіргі таңда Алматы қаласында орналасқан, үздік білім беру мекемелерінің бірі, номері 44-ші мектеп-гимназияның директоры болып жұмыс атқарамын.

Осындай нәтижелі жұмысқа жетуімнің басты себебшісі бізге тәлім берген оқытушылардың еңбегі деп білемін.

Осы орайда молекулалық биология және генетика кафедрасының меңгерушісі Жунусбаева Жазира Кабуловна мен барлық оқытушылар қауымына алғысымды білдіргім келеді. Сонымен қатар, маған табандылық пен қажырлы еңбек етуді үйреткен, ерінбей үздіксіз білім алуға тәрбиелеген, менің ғылыми жетекшім болған, биология ғылымдарының докторы, өз ісінің білгірі Бисенбаев Амангелді Қуанбайұлын ерекше атап өткім келеді. Сіздерден алған тәлімімнің арқасында шәкірттерімді ғылымға баулып, осы күнге дейін өзім оқыған білім ордасымен байланысымды үзбей, үнемі тығыз қарым-қатынаста жұмыс жасап келемін.

Сіздердің берген білімдеріңіз, бізге көрсеткен жолдарыңыз бен айтқан ақылдарыңыз үшін рахметімді айтқым келеді.

Құрметті әріптестер! Сөзімнің соңында барлықтарыңызды Бітірушілер күнімен құттықтаймын!»

 

Рыспекова Айман Бокеновна:

«Қайырлы күн! Әл-Фараби атындағы Қазақ ұлттық университетінің оқытушылар қауымы және түлектері!

Сіздерді түлектер күнімен шын жүректен құттықтаймын. Сіздерге дендеріңізге саулық, еңбектеріңе мол табыс тілеймін. Мен осы аталған университеттің биология және биотехнология факультетінің молекулалық биология және генетика кафедрасының 2005 жылғы түлегімін. Университет қабырғасында алған терең білімімнің нәтижесінде Өсімдіктер физиологиясы және биотехнолониясы институтының аспирантурасына қабылданып, кандидаттық диссертациямды академик Палымбетова Фатима Абылқайырқызы мен молекулалық биология және генетика кафедрасының профессоры Айташева Зауре Гаинетдинқызының жетекшілігімен қорғап, «Болашақ» бағдарламасымен Амераика Құрама Штаттарында молекулалық генетика саласы бойынша ғылыми тағылымдамадан өттім. Қазіргі уақытта Нұрсұлтан қаласындағы С.Сейфуллин атындағы Қазақ агротехникалық университеті агрономия факультетінің егіншілік және өсімдік шаруашылығы кафедрасының қауымдастырылған профессоры қызметінде еңбек етудемін. Сонымен қатар, гранттық қаржыландыру бағдарламасы бойынша ғылыми жобалармен зерттеу жұмыстарын жүргізудемін.

Осы жеткен жетістіктерімнің барлығы үшін, бізге аянбай білім берген, білікті маман ретінде қалыптасуымызға зор үлесін қосқан университеттің, соның ішінде молекулалық биология және генетика кафедрасының профессорлық-оқытушылар қауымына үлкен алғысымды білдіремін».

 


 Отарбаев Марат Калдыбаевич:

«Құрметті түлектер! Сіздерді бәрімізге ортақ мереке - әл-Фараби атындағы Қазақ ұлттық университетінің Түлектер күнімен құттықтаймын!

Мен біздің университетіміздің биология және биотехнология факультетінің, молекулалық биология және генетика, биоалуантүрлілік және биоресурстар кафедрасының түлегімін. Бүгінде мен университетіміздің түлектерінің бірі Байкошкарова Салтанат Берденқызы құрған Қазақстандағы алғашқы «Экомед» экстракорпоралді ұрықтандыру орталығының директорымын. Біз өзіміздің университеттегі студенттік шақтарды үлкен ризашылықпен, күлімсірей еске аламыз. Біздің біліктілігі жоғары мамандар боуымызға орасан зор еңбек сіңірген барлық оқытушыларға үлкен алғысымызды білдіреміз. Осы орайда мен Шалахметова Тамара Минажевнаны, Бисенбаев Амангелді Қуанбайұлын, Саугабаев Қаламқас Магзамқызын ерекше атап өткім келеді». 

 

Токубаева Анар Адильхановна:

«Мен, биология ғылымдарының РhD докторымын. Мен де қазақ ұлттық университетінің молекулалық биология және генетика кафедрасының түлегі болып табыламын, қазіргі таңда экстракорпоралді ұрықтандыру лабораториясының эмбриолог-генетигі болып қызмет атқарамын.

Мен молекулалық биология және генетика кафедрасының профессорлық-оқытушылық ұжымын Түлектер күнімен шын жүректен құттықтай отырып, алғысымды білдіремін, оның ішінде Шүлембаева Күлзия Қонысбаевна мен Айташева Зауре Гайнетдиновналарға алғысым шексіз».

 

 Рахметова Нуржамал Ғалымжанқызы:

«Мен молекулалық биология және генетика кафедрасының түлегімін, қазіргі таңда экстракорпоралді ұрықтандыру лабораториясының эмбриологы баолып жұмыс атқарамын.

Мен де оқытушым Калимагамбетов Айтқали Мажитұлына, ғылыми жетекшім Бекманов Бақытжан Орақбайұлына үлкен алғысымды білдіргім келеді. Сіздерге үлкен рахмет. Баршаңызды Түлектер күнімен құттықтаймын».

  

 

Айбек Мурсалимов:

«Мен әл-Фараби атындағы Қазақ ұлттық университетіндегі биология және биотехнология факультетінің молекулалық биология және генетика кафедрасының 2012 жылғы бакалавр, 2014 жылғы магистр түлегімін. Бүгінгі күнге орай, барлық түлектерді осы мерекемен шын жүректен құттықтаймын. Сондай-ақ барлық ұстаздарыма, кафедраға, өзім білім алған молекулалық генетика лабороториясына, әсіресе ғылыми жетекшілерім Амангелді Куанбаевич пен Назгүл Абдуллаевнаға үлкен рахметімді, алғысымды білдіргім келеді.

Қазақ ұлттық университетінің қабырғасында академиялық мобилділік бағдарламасы бойынша Германияның Штуртгарт қаласындағы Хоэнхайм университетінде білімімді жетілдіруге мүмкіндік алдым. Университет бітіргеннен кейін Назарбаев университетінде, Францияның Густав Росси клиникасымен бірлесіп геном тұрақтылығы және ДНҚ репарациясы саласында біраз зерттеу жұмыстарын жүргіздім. Қазіргі кезде өз білімімді жалғастыру үшін Америка Құрама Штаттарының Аризона штатының университетінде доктарантурамды жалғастырудамын. Клеткалық биология саласында. Бұйыртса, осы алған білімдерімді, ҚазҰУ-дан, осы жерден алған білімімді шыңдап Қазақстанның болашағын дамытуға өз үлесімізді қосамыз деп үміттенемін».

 

Асқарбаева Балжан:

«Мен әл-Фараби атындағы Қазақ ұлттық университетінің биология және биотехнология факультеті молекулалық биология және генетика кафедрасының 2003 жылғы түлегімін. Университет қабырғасында алған біліміммен әрі қарай жаңа биіктерді бағындыру мақсатында Чехия мемлекетінің Оңтүстік Чех университетінде докторантураның 3-курсында оқуымды жалғыстырудамын. Ал соның шырағы болған, жол бастаушы болған кафедрама, университетіме алғысымды білдіргім келеді. Барлық білім берген оқытушы-профессор құрамына алғыс айта отырып, ғылыми жетекшілерім биология ғылымдарының кандидаты Жунусбаева Жазира Кабуловна мен профессор Омирбекова Наргүл Жаппаровналарға алғысым шексіз. Сөзімнің соңында барлық түлектерді Әл-Фарабидің 1150 жылдығына арналған Түлектер күнімен құттықтаймын! Тәуелсіз еліміздің гүлденіп, өсіп өнуіне лайықты қызмет ету жолында баршаңызға зор денсаулық, мол табыстар тілеймін».

 

Куанбай Айгерим:

«Мен әл-Фараби атындағы Қазақ ұлттық университетінің биология және биотехнология, молекулалық биология және генетика кафедрасының 3 курс докторантымын. 2018 жылы мен «Абай Верн» грантының иегері атандым. Соған байланысты мен Париж-Сакле университетінде Қазақстан мен Франция арасындағы қос келісім бойынша оқуымды жалғастырудамын. Мен ғылыми жұмысымды Густав Росси институтында геномдық интеграция және канцерогенез зертханасында доктор Мұрат Сапарбаевтың басшылығымен өсімдіктер мен жануарлардың геномдық тұрақтылығы және ДНҚ репарациясы мәселелері бойынша ДНҚ репарациясы тобында зерттеумен айналысып жүрмін.

Қазақ ұлттық университеті маған өзімнің алған білімімді ғылым жлында жүзеге асыруға мүмкіндік берді. Молекулалық биология және генетика кафедрасының барлық оқытушыларына, әсіресе ғылыми жетекшім профессор және академик Биесбаев Амангелді Қуанбайұлына алғысымды білдіргім келеді. Біздің Alma Mater түлектерінің барлығын Түлектер күнімен құттықтаймын!».

 

 

Үміт Әлиасқарова:

«Мен әл-Фараби атындағы Қазақ ұлттық университетінің биология және биотехнология факультетінің молекулалық биология және генетика кафедрасының 2017 жылғы магистр түлегі болып табыламын. 28 мамырда Қазақ ұлттық университетінің қабырғасында Түлектер күні аталып өтеді және осыған орай мен өзімнің білім алған кафедраның оқытушылары мен профессорлық ұжымына, әсіресе өзімнің ғылыми жетекшім Бисенбаев Амангелді Қуанбайұлы мен Сабира Мықтыбекқызына үлкен алғысымды білдіремін.

Қазақ ұлттық университетінің қабырғасында білім ала отырып, мен Республикалық физика-математика мектебінде биология пәнін ағылшын тілінде оқыту және өзімнің дипломдық жұмысымды лабораториялық жағдайда жүргізу арқылы үлкен тәжірибе жинадым. Сонымен қатар Голландияның Утрехт қаласындағы Утрехт университетінде гендік терапия бойынша жаздық мектепке қатыстым, және өзімнің кафедрамның ұстаздарының ұсынысы бойынша мен магистратураның екінші жылын Париж-Сакле университетінде оқып шықтым. Бұл «Абай-Верн» стипендиялық программасының аясында жүзеге асты. Осы кезеңде мен Густав Росси онкологиялық институтында 6 ай тәжірибе жасап, соңында, осы жерде Франция мемлекетінің грантын ұтып алдым. Қазіргі таңда, үш жылдық докторант келісім-шартына қол қойып, Paris-Sud университетінің медицина факультетінде онкологиялық бағытта зерттеу жұмыстарын жүргізудемін. Қазіргі таңда ДНҚ-репарациясымен айналысып жүрмін».

 

Темирхан Аюпов:

«Мен әл-Фараби атындағы Қазақ ұлттық университетінің түлегімін. 2018 жылы биология және биотехнология факультетін бітірдім. Қазіргі уақытта мен Оксфорд университетінде магистрлік зерттеуімді жүргізіп жатырмын.

Үлкен ғылым әлеміне жол ашуға көмектескен білімі мен тәжірибесі үшін кафедраның барлық оқытушылар құрамына және жетекшім Бисенбаев Амангелді Қуанбайұлына алғысымды білдіремін».


 

  

2019-2020 оқу жылының жазғы сессиясына дайындық 


2020 жылдың 28 сәуірінде әл-Фараби атындағы ҚазҰУ-дың биология және биотехнология факультетінің молекулалық биология және генетика кафедрасында кафедра меңгерушісі Ж.К.Жүнісбаеваның басшылығымен ашық мәжіліс өтті. Мәжіліс Microsoft teams платформасында жүргізілді. Мәжіліске қашықтан кафедраның барлық куратор-эдвайзерлері және «Генетика», «Биология», «Биотехнология» мамандықтарының орыс және қазақ бөлімдерінің 1,2,3,4 курс студенттері мен магистранттары, шамамен 200-ден астам адам қатысты. Онда қашықтан оқыту технологияларын қолданып жазғы сессияны тапсыру мәселесі талқыланды.

Биыл жазғы сессияның барлық емтихандары, бүкіл әлемді дүр сілкіндірген коронавирус (COVID-19) пандемиясына байланысты жаппай карантин шараларының енгізілуіне қарамастан, академиялық күнтізбеге сай жүретіні айтылды. Яғни бакалавриат пен магистратураның 1-курстары үшін қорытынды бақылау емтихандары 11 мамыр мен 24 мамыр аралығында, бакалавриаттың жоғары курстары үшін 25 мамыр мен 14 маусым аралығында, қорытынды аттеатация мен дипломдық жобаларды қорғау 8 маусым мен 12 шілде аралығында өтетіні айтылды.

Онлайн конференция қатысушылары, қорытынды емтихандардың қабылдану ережелерімен, қолданылатын қашықтан оқытудың СДО MOODLE (dl.kaznu.kz), Open KazNU (open.kaznu.kz), Open Master Class (omc.moocs.kz) платформаларымен, Қазақстанның ашық білім беру ұлттық платформасымен (moocs.kz) толық таныстырылды. Қорытынды емтихандардың: дәстүрлі жазбаша емтихан, жазбаша жобалар, тест формалары «Оқулық», «Мoodl», «Univer» жүйелерінде, ауызша емтихандар мен диплом жұмыстарын қорғаудың Zoom, Microsoft teams, Google Meet, Cisko WebEX және т.б. платформаларында жүргізілу тәртібі түсіндірілді.

Мәжіліс барысында оқытушылар мен студенттердің барлық сұрақтарына жауап берілді.

 

Біргеміз!

11 сәуір 2020 ж.

Коронавирус індеті жаһандық пандемияға айналуына байланысты елімізде төтенше жағдай жариаланды. Короновирус инфекциясының таралуының алдын алу мақсатында еліміздегі барлық студенттер қауымы секілді әл-Фараби атындағы ҚазҰУ-дың биология жіне биотехнология факультетінің студенттері де қашықтан білім алуда.

Қашықтан оқу барысында «Универ» АЖ, You Tube, Майкрософт Teams студенттерге, Moodl секілді платформаларды шебер меңгеріп те алған. Солардың арасында факуллтетіміздің молекулалық биология және генетика кафедрасының куратор-эдвайзері С.Қ.Байсейтованың «Генетика» мамандығының 1 курсының BG-03K оқу тобы да бар. Қашықтан оқыту технологиясын қолданып қызықты кураторлық сағаттар да өтіп жүр. Олар осы тәрбиелік сағаттар аясында  «Біргеміз» атты видео түсірді.  

Видеоның мақсаты - өздерінің, қазақстан мемлекетінің азаматы ретінде індетпен күресу, оның алдын алу мақсатында алыста жүрген достарын қолдау, достық сағынышын білдіру.

 


Ғылымдағы алғашқы қадам

2020 жылдың 8 сәуірінде әл-Фараби атындағы Қазақ ұлттық университетінің «Фараби әлемі» атты cтуденттер мен жас ғалымдардың халықаралық ғылыми конференциясы аясында, мектеп оқушыларына арналған «Ғылымға бастама» атты секциясының онлайн-мәжілісі өтті (ZOOM платформасында).

Мектеп оқушыларына арналған секцияның онлайн-жұмысына биология ғылымдарының докторы, профессор И.С.Савицкая төрағалық етті. Конференцияға Алматы қаласының мектеп оқушыларымен қатар, Шығыс Қазақстан, Жамбыл, Қызылорда, Алматы обылысының оқушылары да білсене қатыстысып, өздерінің ғылыми жұмыстарын баяндап берді. Бұл онлайн-конференцияның бір ерекшелігі, оқушылардың ғылыми жетекшілері, яғни пән мұғалімдері секция мәжілісіне қашықтан қатысуға мүмкіндік алды. Сөйтіп өздерінің шәкірттерінің   конференцияда оқылған баяндамаларын тыңдап, көру мүмкіндігіне ие болды

         

 

 

 


 

   Психология ғылымдарының кандидаты, доцент Б.Жігітбековамен кездесу 

Осы аптада әл-Фараби атындағы Қазақ Ұлттық Университетінің биология және биотехнология факультетінің №7 студенттер үйінде молекулалық биология және генетика кафедрасының куратор-эдвайзерлері студенттермен достық атмосфераны құру, мазасыздықты азайту, топта өзара әрекеттесуді ұйымдастыру, студент өздерін, жақсы жақтарын көрсету мәселелері жайында тәрбие сағатын өткізді. Шақырылған қонақ - психология ғылымдарының кандидаты, доцент Б.Жігітбекова

         Кештің мақсаты - студенттердің психикалық көңіл-күйлерін көтеру, шығармашылық қабілеттерін бағалай білу, өздеріне құрметпен  қарау, стресстен арылу, өз орталарында сыйластық қарым-қатынас орнатуды талқылау.

         Осы орайда студенттер өздерінің білім алып жүрген мамандықтарын жүрек қалауымен таңдады ма, әлде басқалай сыртқы факторлар әсері болды ма, міне осы жайында ойларымен бөлісті. Бұл кездесу студенттердің психикалық көңіл-күйлерін көтеруге, өз бойларындағы шығармашылық қабілеттерін бағалай білуге, өз-өзіне құрметпен қарауға, бір-бірімен сыйластық қарым-қатынаста болуға, стресстен арылуға арналған.

         Кездесуге қатысқан студенттер мен оқытушылар өздерінің көкейлерінде жүрген сұрақтарына ауқымды жауап ала білді.

Ұйымдасттырушылар – Жунусбаева Ж.К., Байсеитова С.К., Сербаева А.Д., Шәлтенбай Г.Н., Жигитбекова А.Д.

 

 

 

 


Молекулалық биология және генеитика кафедрасының студенттері мен оқытушылары

«ҚАЙЫРЫМДЫ ҚОҒАМ» челленджіне өз үлесін қосты

2020 жылдың 28-29 ақпанында, «Қайырымды қоғам» республикалық челлендж аясында мұқтаж жандар үшін заттар жинау ұйымдастырылды. Балалар мен ересектерге арналған киімдер, кітаптар, ойыншықтар жиналды. Заттар «Жылу» әлеуметтік қайырымдылық жобасына жіберілді, ал жобаныц жүзеге асырушылар алынған заттарды әлеуметтік жағдайы төмен отбасыларға, балалар үйлеріне және әлеуметтік көмек орталықтарына бағыттады (https://teplocharity.kz/).

Ұйымдастырушылар - кафедра меңгерушісінің орынбасары, куратор-эдвайзер, PhD Ловинская А.В., биология ғылымдарының кандидаты, аға оқытушы Шалахметова Г.А., «Биотехнология» мамандығының 2 курс студенттері БТ-50р, БТ-51р, БT-52р.

#alfarabiqaiyrymdyqoǵam#AlFarabiQQ 

 

              

 

 


 

1 курс студенттерімен студент жастарды құқықтық тәрбиелеуге және тәртіп бұзушылық пен қылмыстан сақтандыруға арналған профилактикалық кездесу

2020 жылдың 23 ақпанында әл-Фараби атындағы Қазақ Ұлттық Университетінің биология және биотехнология факультетінің №7 студенттер үйінде молекулалық биология және генетика кафедрасының куратор-эдвайзерлері 1 курс студенттерімен студент жастарды құқықтық тәрбиелеуге және тәртіп бұзушылық пен қылмыстан сақтандыруға арналған профилактикалық кездесу өткізді.

Кештің мақсаты - ҚазҰУ студентінің ар-намыс ережесі мен академиялық саясат шеңберінде студент жастардың рухани - адамгершілік қалыптасуына көңіл бөлу.

Қәзіргі кездегі қоғамдағы орын алып жүрген бірқатар құқық бұзушылықтың себеп-салдары, оның алдын-алу жөніндегі жүргізіліп жатқан шаралар жайында куратор- эдвайзерлер сөз қозғап, студенттермен ақпарат алмасты. Студенттердің себепсіз сабақты қалдырмауларын, оқу дисциплинасы мен студенттің ар-намыс кодексіне бағынуларын атап өтті.

Сонымен бірге, университет және факультет деңгейінде ұят тақтасына түсіп қалмаудың маңыздылығын түсіндірді. Кездесуге қатысқан студенттер мен оқытушылар өздерінің көкейлерінде жүрген сұрақтарына ауқымды жауап ала білді.

               Жунусбаева Ж.К., Байсеитова С.К., Сербаева А.Д., Шәлтенбай Г.Н.

                      

 


2019 ж. 23 қыркүйегінде профессор Айташева Зауре Гайнетдиновна «Ерен еңбегі үшін» төсбелгісімен марапатталды

ҚазҰУ-дың биология және биотехнология факультеті молекулалық биология және генетика кафедрасының профессоры Айташева Зауре Гайнетдиновна «Ерен еңбегі үшін» төсбелгісімен марапатталды.

Профессор З.Г. Айташеваға сыйлықты ректораттың кеңейтілген мәжілісінде 2019 ж. 23 қыркүйегінде әл-Фараби атындағы ҚазҰУ-дың ректоры академик Ғ.М.Мұтанов тапсырды.

 

Әл-Фараби атындағы ҚазҰУ молекулалық биология және генетика кафедрасында 9-10 сәуір араляғянда жас ғалымдар мен студенттердің «Фараби әлемі» халықаралық конференциясының салтанатты жабылу шарасы өтті. Ғылыми жиынның жеңімпаздары мен жүлдегерлеріне жобаларын дамыту үшін дипломдар және бағалы сертификаттар тапсырылды. Салтанатты шараға жас ғалымдар, сонымен қатар оқытушылар мен студенттер қатысты.



3 секция "экология, генетика және молекулалық биология мәселелері" бойынша 76 тезис тапсырылды. 20 баяндама ауызша қорғалынды.

 

 

инф.письмо_интернет.конф.doc

News7.pdf, News8.pdf, News9.pdf, News10.pdf, News11.pdf

 

 


 

Молекулалық биология және генетика кафедрасында «Тірі ағзалардың ғылыми зерттеулерінде қолдануына байланысты этикалық аспектiлерi» тақырыбына дебаттар өткізілді. Дебаттарды ағылшынша екі «Биотехнология» мамандығының топтарымен бірге кафедрасының профессор қ.а. Бияшева З.М. жургізілді.

 

 


 

«Ауылшаруашылық селекциясының негіздері» атты курс мамандығы аясында ТОО «Тургень» жекеменшік агрофирмасының мәдени тұқым егу шаруашылығының негізінде «Биотехнология» мамандығының 3 курс студенттері үшін шығу семинарлары жүргізілді. Студенттер өндіріске енгізілетін дәнді-дақылдардың жаңа сорттары (бидай, арпа, жүгері), майлы (сафлор) және дәнді-бұршақ дақылдар (соя), тұқым дақылдарының өсіру инновационды технологияларымен танысты, тамшылап суару технологиясын қолдану негізінде алмалардың 15 қысқа бойлы сорттары өсірілетін интенсивті баққа кіріп шықты.