2010 жылдың 11 сәуірінде сағ. 10.00-де әл-Фараби атындағы ҚазҰУ факультеттері арасында спартакиада өтетін болады.
14 факультет арасында өтетін спартакиада биылғы Ұлы Жеңістің 65-жылдығына, ҚазҰУ Спорт клубының 60 жылдық мерейтойы мен «Азиада - 2011» олимпиадасын қолдау мақсатында ұйымдастырылып отыр.
Жақында әл-Фараби атындағы ҚазҰУ-да ЖОО студенттерінің қатысуымен түрік тілінің дәстүрлі республикалық олимпиадасы өткен болатын.
2010 жылдың 12-13 сәуірде Алматы қаласы әл-Фараби атындағы ҚазҰУ-да «ТМД және Балтық елдерінің орыс тілі және мәдениет фестивалі» өтеді.
Фестивальды Ресей Федерациясының білім беру жөніндегі федеральды агенттігі, М.В. Ломоносов атындағы ММУ-дың халықаралық білім беру орталығы, ҚазҰУ-дың шетелдік азаматтарға арналған дайындық және филология факультеттері ұйымдастырып отыр.
Мемлекеттің жетекші жоғары оқу орны, білім және ғылым саласының «қарашаңырағы» атауына талай жылдар бойы лайық атанып келе жатқан әл-Фараби атындағы Қазақ ұлттық университетінен бүгінгі таңда Қазақстанның дамуына үлес қосып жатқан белгілі мемлекет және қоғам қайраткерлері, ғалымдар мен ұстаздар, топ-менеджерлер мен бизнесмендер түлеп ұшты. Қазақстан мен шетелдегі ҚазҰУ Түлектер қауымдастығының барлық мүшелері туған университетінің беделін арттыруда жан-жақты қарым-қатынастарды орнатып, нығайтуда атсалысып келеді.
2010 жылдың 2 сәуірінде әл-Фараби атындағы ҚазҰУ-дың журналистика факультетінің Баспа ісі және редакциялау кафедрасы салтанатты түрде «Фотопублицистер клубының» тұсауын кесті. Кәсіби мамандардың көпжылдардағы шығармашылық жемістері факультеттегі фотокөрмеде көрініс тапты.
Елбасының шәкіртақыны 25%-ға өсіру талабы жүзеге асты. Бүгін Арбатта әл-Фараби атындағы ҚазҰУ мен Алматы қалалық Қазақстан студенттері Альянсының студенттері үкімет билігіне, ҚР Президентінің ЖОО студенттеріне көрсетіп жатқан үздіксіз қамқорлығы үшін алғыс білдіру мақсатында жастардың «Көңіл-күйді 25%-ға көтер» атты флеш-моб акциясын өткізді. Бүгінгі таңда республикамыздың 98 мың шәкіртақы иегерлері 25 %-ға өскен шәкіртақыны алды.
31 наурызда ҚазҰУ-дың шығыстану факультетінде Үндістан Республикасының мемлекеттік тілі – Халықаралық хинди тілінің күнін атап өтті.
Арнайы шақырылған қонақтардан Қазақстандағы Үндістан Республикасының Төтенше және Өкілетті Елшісі Ашок Саджанхар, Үндістан Республикасының Елшілігі жанындағы Үнді мәдени орталығының директоры Винод Кумар, Алматы қаласындағы Үндістан Республикасының Бас консулы Ракеш Кумар Верма қатысты.
Жақында әл-Фараби атындағы ҚазҰУ-да қылмыспен күрес мәселелері жөніндегі ғылыми-зерттеу орталығы мен Қазақстан Криминология ассоциациясының бірлесіп ұйымдастыруымен “Қазіргі қылмыстық саясат: интеграциялық үдерістер аясындағы негізгі бағыттары мен басымдылығы” атты халықаралық ғылыми-тәжрибелік конференциясы өтті.
