Құрметті бакалавриат, магистратура және PhD студенттері!
27 сәуірде 2012ж. сағ. 10:00 ден 15:00 дейін Ө. Жолдасбеков атындағы студенттер сарайында ҚазҰУ-2012 бос жұмыс орындар жәрмеңкесі өтеді. Жәрмеңкеде Қазақстанның 50 ірі компанияларының бос орындары мен стендтік сессиясы жұмыс жасайды. Компаниялар ұсынған бос жұмыс орындарымен танысып, өз түйіндемелеріңізді қалдыра аласыздар.
Сәуірдің 6-сы күні Филология, әдебиеттану және әлем тілдері факультетіне қарасты Гуманитарлық шет тілдер кафедрасының «LINGUA» шет тілдер клубы аясында аға оқытушылар Г.Х. Исенғалиева, В.А. Юрпольская, Н.А. Ештаеваның ұйымдастыруымен Шығыстану факультетінің 1 және 3 курс студенттері арасында НАУРЫЗ мейрамына арналған ағылшын тілінде: «Британия және Америка туралы не білесіз?»; Мәнерлеп өлең оқу; Қазақ, орыс тілдеріне өлең аудару; Махаббат пен достық тақырыбына арналған авторлық өлеңдер шығару; «Наурыз-2012» тақырыбына қабырға газетін шығарудан жарыстар өтті.
2012 жылдың 10 сәуірінен 19 сәуіріне дейін Тәрбие жұмысы жөніндегі департамент пен Қазақстан мұсылмандары діни басқармасымен бірлесе отырып факультеттерде «Отанды сүю – иманнан» атты тақырып аясында студенттермен кездесулер өткізеді.
7 сәуірде «Болашақ бүгіннен басталады» атты жалпыреспубликалық акция аясында ҚазҰУ-да сенбілік өтті. 70 гектардан аса аумақты алып жатқан университеттік кампус аймағын тазарту және жинау жұмысына оқытушылар, студенттер, қызметкерлер және ЖОО басшысы бастап, барлығы 17 мыңнан астам адам қатысты. Олар арам шөптерді тазартып, ағаштарды әктеп, гүлдер отырғызып, талдар екті, қоқыстарды шығарды. Сондай-ақ, оқу ғимараттарында және жатақханаларда тазалық жұмыстары жүргізілді. Сенбілік ұйымдасқан түрде және жоғары көңіл күйде орын алды.
ҚазҰУ студенттері, университеттің жастар ұйымдары комитеті еліміздің Жастар конгресі бастауына үн қосып, «Болашақ бүгіннен басталады» акциясына қолдау танытты. Сонымен бірге 8-9 сәуірде ҚазҰУ Студенттер сенаты салауатты өмір салтын насихаттау жолында, жастарды дене шынықтырумен айналысуға және спортқа тарту мақсатында шағын-футболдан студенттік топтар арасында қалалық турнир өткізеді.
7 сәуір күні сағат 9.00-16.00 уақыт аралығында университеттік аумақта өтетін сенбілікке шақырамыз.
Әл-Фараби атындағы Қазақ ұлттық университетінің жанындағы НАТО ресурстық-ақпараттық орталығы және НАТО Әлемі студенттік ассоциациясы 2012 жылдың 25-26 сәуір аралығында ҚазҰУ-дың халықаралық қатынастар факультетінде «НАТО кішігірім моделі: НАТО мен Орталық Азия елдерінің 2014 жылдан кейінгі әріптестік» тақырыбында II Республикалық студенттер форумын өткізеді.
6-7 сәуір аралығында әл-Фараби атындағы ҚазҰУ-дың тарих, археология және этнология факультетінде дәстүрлі «Бекмаханов оқулары» аясында «Әлеуметтік-экономикалық және саяси келеңсіздіктер тарихы: теориялық-методологиялық қайта ойлау» атты Халықаралық ғылыми-практикалық конференция өз жұмысын бастады.
«Көмек» еріктілер қозғалысы физика-техникалық факультетінде 17 сәуір күні, сағат 16.00-д, «Жетімдері жоқ қоғам құра аламыз ба?» атты пікір-сайыс өткізеді.
14- сәуір күні сағат 18.00-де А. Ө. Жолдасбеков сарайында Әл-Фараби атындағы ҚазҰУ-дың «Біз» студенттер театры көрермен назарына «Миллион раушан гүл» қойылымын ұсынбақ.
