Смекенов Изат Темірғалиұлы 2022 жылдың желтоқсан айында Қазақстан Республикасының дарынды жас ғалымарға арналған мемлекеттік ғылыми стипендиясына ие болды және осы ғылым саласындағы табыстары мен жетістіктері үшін Қазақстан Республикасы Ғылым және жоғары білім министрі Саясат Нұрбектің атынан сертификатпен марапатталды.
Әл-Фараби атындағы Қазақ ұлттық университетінің Әл-Фараби кітапханасында «Өсімдік шаруашылығындағы генетикалық технологиялар» атты халықаралық дөңгелек үстел өтті. Оған отандық және шетелдік ғалымдар, оқытушылар мен білім алушы жастар қатысты.
2023 жылдың 26 қаңтарында әл-Фараби атындағы Қазақ Ұлттық Университетінің Ғылыми кітапханасының №409 мәжіліс залында биология және биотехнология факультетінің молекулалық биология және генетика кафедрасының доценті, генетика және биостатистика саласындағы маман, жоғары білімнің алғашқы республикалық стандарттарының бірлескен авторы Бияшева Зарема Маратовнаның 70 жылдық мерейтойына арналған «Генетикалық процестерді пәнаралық зерттеу: шындық және перспективалар» атты гибрид форматында халықаралық дөңгелек үстел өтті.
20-21 қаңтар күндері әл-Фараби атындағы Қазақ Ұлттық Университетінде «Университет ғылымының дамуы Қазақстанның инновациялық дамуының қажетті алғышарты»атты ғылыми-практикалық конференция өткізілуде.
Құрметті əріптестер!
Сіздерді молекулалық биология жəне генетика кафедрасының ардагері, биология ғылымдарының кандидаты, доцент Бияшева Зарема Маратовнаның 70 жылдық мерейтойына арналған «Генетикалық процестерді пəнаралық зерттеу: шындық жəне перспективалар» атты халықаралық дөңгелек үстелге қатысуға жəне баяндама жасауға шақырамыз.
2022 жылдың 15 қарашасында Астанада халықаралық Scopus сыйлығы табыс етілді. Ғылым және жоғары білім министрлігі мен «Elsevir» компаниясы Scopus журналдарына ғылыми мақала жариялап, табандылығымен көзге түскен ғалымдарды құттықтады.
Scopus Awards Kazakhstan 2022 марапатына ие болғандардың қатарында кафедрамыздың профессоры Туруспеков Ерлан Кеңесбекұлы да бар.
Әл-Фараби атындағы Қазақ ұлттық университеті биология және биотехнология факультетінің молекулалық биология және генетика кафедрасының профессор-оқытушылар құрамы мен студенттері профессор Н.Ж. Өмірбекованы «Ерен еңбегі үшін» төсбелгісімен марапатталғаны үшін құттықтайды.
