АҚПАРАТТЫҚ ХАТ Құрметті әріптестер!

Әл-Фараби атындағы Қазақ Ұлттық Университетінің Экономика және бизнес Жоғары мектебінің "Қаржы және есеп" кафедрасы сіздерге өз құрметін білдіре отырып, жұмыста бар табыстар тілейді және келесіні хабарлайды.

Кафедра 2020 жылдың 19 қарашасында "Исламдық қаржы қолдануының шетелдік тәжірибесі" тақырыбында онлайн дөңгелек үстел өткізеді.

Қазақстанда Президенттің 1998 жылғы 20 қаңтардағы Жарлығымен 15 қарашада атап өтілетін "Ұлттық валюта — Теңге күні", ал 2011 жылғы 20 қарашадағы Жарлығымен мерекенің жаңа атауы — "Ұлттық валюта — Теңге күні, Қазақстан Республикасының қаржы жүйесі қызметкерлерінің кәсіби мерекесі" белгіленді. Қазіргі уақытта ұлттық валютаның маңыздылығы - валютаның қоғам өмірімен байланысы, ұлттық валютаның тарихы. Аталған іс-шараны ұйымдастыру еліміздің жас ғалымдарының ғылыми-зерттеу әлеуетін дамытуға жәрдемдесу, сондай-ақ халықаралық деңгейде академиялық құрылымдар мен Ислам қаржы қоғамдастығы арасында тиімді пікір және озық идеялар алмасу мақсатына ие.

Дөңгелек үстелге қатысуға жергілікті және шетелдік академиялық топтардың ғалымдары, Исламдық қаржы саласындағы мамандар шақырылды.

Соңғы жылдары әлемде Исламдық қаржыландырудың қарқынды дамуы байқалады, Исламдық қаржы өнімдеріне сұраныс артып келеді. Талқылауға спикерлер Исламдық қаржыландыру жүйесін дамытудың негізгі кезеңдерін ұсынады.

Дөңгелек үстелдің басталуы: 2020 жылғы 19 қараша сағат 15.30. Қатысу форматы: онлайн, презентация арқылы Google Meet платформасында. Спикерлердің жұмыс тілдері: қазақ, орыс, ағылшын.

Баяндалғанды ескере отырып, аталған мәселе бойынша ғылыми-тәжірибелік пікір алмасу мақсатында профессорлық-оқытушылық құрам, магистранттар мен докторанттардан осы іс-шараға спикер ретінде қатысуды сұраймыз.

Сұрақтарыңызды конференцияның ұйымдастыру комитетінің өкіліне төменде көрсетілген байланыстар бойынша жолдауыңызды сұраймыз:

Куанова Лаура Айболовна: 8 (701) 400-03-52, kuanova.laura@kaznu.kz