Әл-Фараби атындағы ҚазҰУ студенттер бойында бағалы рухани және құндылықтық бағдарларды қалыптастыру және кітап оқуға деген қызығушылығын арттыру үшін «100 кітап» жобасын табысты жүзеге асыруда. Аталған жобаны жүзеге асыру үшін университет танымал жазушы, ақындармен шығармашылық кездесу өткізетін жақсы дәстүр қалыптастырды.

ҚазҰУ-дың филология және әлем тілдері факультеті қазақ әдебиеті және әдебиет теориясы кафедрасы «100 кітап» жобасы аясында тәуелсіз «Тарлан» сыйлығының, «Дарын» жастар сыйлығының иегері, жазушы, философ және кинодраматург Дидар Амантаймен онлайн кездесу өткізеді.

«Әлем және қазақ әдебиетіндегі модернизм» тақырыбындағы онлайн шараға ҚазҰУ оқытушылары, студенттері, магистранттары және докторанттары қатысады. Онлайн байланыс барысында әлем және қазақ әдебиетіндегі жаңа тенденциялар, модернизм бағытының басты ағым-бағыттары және студенттердің кітап оқуға қызығушылығын ояту сынды мәселелер талқыланады.

Онлайн шара 29 сәуірде, сағат 15.00-де басталады, қатысуға ниет білдірушілер https://us02web.zoom.us/j/81808181115 электронды почтаға өтінім жіберуі қажет.

Әл-Фараби атындағы Қазақ ұлттық университеті студенттер бойында бағалы рухани және құндылық бағдарларды қалыптастыру және кітап оқуға деген қызығушылығын арттыру үшін «100 кітап» жобасын табысты жүзеге асыру мақсатында танымал жазушы, ақындармен шығармашылық кездесу өткізетін заманауи дәстүр қалыптастырды.

ҚазҰУ-дың филология және әлем тілдері факультеті қазақ әдебиеті және әдебиет теориясы кафедрасы «100 кітап» жобасы аясында белгілі жазушы, публицист, Қазақстанның еңбек сіңірген қайраткері, «Парасат» орденінің иегері, халықаралық «Алаш» әдеби сыйлығының лауреаты Адам Мекебаевтың 80 жылдық мерейтойына орай «Қаламгер келбеті» тақырыбында жазушылармен онлайн-сұхбаттасу өткізеді.

Онлайн кездесудің құрметті қонақтары: белгілі жазушы, Қазақстанның еңбек сіңірген қайраткері Марал Ысқақбай; ақын, Қазақстан Жазушылар одағы басқарма Төрағасының орынбасары Бауыржан Жақып; ақын, «Жұлдыз» журналының бас редакторы, Қазақстанның еңбек сіңірген қайраткері Ғалым Жайлыбай; белгілі жазушы, «Тарлан –Үміт» сыйлығының иегері, ҚР Президентінің Бұқаралық ақпарат саласындағы сыйлығының лауреаты Жүсіпбек Қорғасбек; белгілі жазушы, Қазақстанның еңбек сіңірген қайраткері, «Алаш» әдеби сыйлығының лауреаты Ахат Жақсыбаев; ақын, Мемлекет және қоғам қайраткері Сансызбай Құттыбаев; әдебиеттанушы ғалым, филология ғылымдарының докторы, профессор Темірхан Тебегенов, Адам Мекебаевтың жары Гүлжамиля Ескөбек.

Шараға Әл-Фараби атындағы Қазақ ұлттық университетінің оқытушылары, докторанттары мен магистранттары, студенттері, М.Әуезов атындағы Әдебиет және өнер институтының ғалымдары қатысады.

Онлайн байланыс барысында Адам Мекебаевтың өмірі мен қызметі жайлы тың әрі қызықты мәліметтер айтылып, жазушының қаламынан шыққан шығармалар, повестер мен романдары, әдеби-шығармашылық мұрасының маңыздылығы, қазақ әдебиеті мен мәдениетінің дамуына қосқан үлесі сөз етіледі.

Онлайн шара 2020 жылдың 28 сәуірінде сағат 15.00-де басталады. Қатысуға ниет білдірушілер https://us02web.zoom.us/j/87503937865 сілтемесімен қосыла алады.

Әл-Фараби атындағы Қазақ ұлттық университетінде 2012 жылдан бастап «100 кітап» жобасы жүргізіліп келеді. Жобаға оқуға тиіс үздік отандық және әлемдік классиктердің шығармалары таңдалды және тізімі жасалды. Жобаның негізгі мақсаты – студенттерді кітап оқуға тарту арқылы жастардың мәдени және білім деңгейін көтеру. Жоба дәстүрге айналып, басқа мамандықтағы факультеттер де, атсалысып, қазіргі таңға дейін жоба аясында әдебиетке қатысты әралуан шаралар өтуде. Бүгінгі онлайн-кездесуіміз осы жоба аясында ұйымдастырылып отыр.

Әл-Фараби атындағы ҚазҰУ-дың филология және әлем тілдері факультеті қазақ әдебиеті және әдебиет теориясы кафедрасы – адамның жан-дүниесін терең көрсете білген сюжеттерге толы, өмір жайлы философиялық толғамдары бар туындыларды жазған жазушы, аудармашы, «Алаш» әдеби сыйлығының лауреаты Нұрғали Оразбен онлайн кездесу өткізеді.

Онлайн шараға Институт қызметкерлері мен ҚазҰУ оқытушылары, студенттері, магистранттары және докторанттары қатысады. Онлайн кездесу барысында қазіргі қазақ әдебиетінің үрдісі мен басты бағыт-бағдарлары, сондай-ақ, жазушының шығармашылығы, жастардың кітап оқуға қызығушылығын ояту мәселелері талқыланады.

Онлайн шара 24 сәуірде, сағат 16.00-де басталады, қатысуға ниет білдірушілер https://us02web.zoom.us/j/82146338478 қосыла алады.  

Әл-Фараби атындағы ҚазҰУ студенттер бойында бағалы рухани және құндылықтық бағдарларды қалыптастыру және кітап оқуға деген қызығушылығын арттыру үшін «100 кітап» жобасын табысты жүзеге асыруда. Аталған жобаны жүзеге асыру үшін университет танымал жазушы, ақындармен шығармашылық кездесу өткізетін жақсы дәстүр қалыптастырды.

ҚазҰУ-дың филология және әлем тілдері факультеті қазақ әдебиеті және әдебиет теориясы кафедрасы М.О. Әуезов атындағы Әдебиет және өнер институтымен бірге «100 кітап» жобасы аясында Еуразия Жазушылар одағының төрағасы, Еуропа ғылым, өнер және әдебиет академиясының мүшесі, Гази университетінің оқытушысы, жазушы Якуп Өмероғлумен онлайн кездесу өткізеді.

«Халықаралық әдеби байланыстар және мәдени дипломатия» тақырыбындағы онлайн шараға Институт қызметкерлері мен ҚазҰУ оқытушылары, студенттері, магистранттары және докторанттары қатысады. Онлайн байланыс барысында қазіргі заманғы мәдени кеңістіктегі әлем және қазақ әдебиетінің дамуы мен басты бағыт-бағдарлары, сондай-ақ, шығармашылық интеграция, студенттердің кітап оқуға қызығушылығын ояту мәселелері талқыланады.

Онлайн шара 22 сәуірде, сағат 15.00-де басталады, қатысуға ниет білдірушілер https://us04web.zoom.us/j/73367128489 электронды почтаға өтінім жіберуі қажет.