Түлектер даярлаған төл орда

Әл-Фараби атындағы Қазақ Ұлттық университеті талай жылдар елімізге білікті маман даярлауда, қарқынды еңбек етіп келе жатыр. Еліміздің маңдай алды білім ордасы   білімділерді даярлап шығатын комбинат іспетті дерсің... Қара шаңырақтан қанат қаққан түлектердің санында шек жоқ. Оқу ордасын тәмәмдап шыққан әр студент бүгінде өз саласының білгірі. Жас мамандардың білім нәрімен сусындап шығуына барлық мүмкіндіктер жасаған ҚазҰу-дың түлектері білім алған ұстаздарын әрдайым естен шығармаса игі.

Айпаралы ақша бұлттары Алатаудың ақ шыңдарын жасырған Алматысы өзіне бас иіп келген кім-кімді болмасын, құшағын кеңге жайып қарсы алатын қонақжайлығы бар мекен. Алматыға бала күннен ынтызарым ауып тұратын. Бала көңілге бәрі қызық, бәрі жаңа болып тұратыны бар ғой. Мен үшін де, Алматының теміржол вокзалынан бастап, кеңінен көсіліп жатқан көшелеріне дейін қызық болатын. Бала күнгі арман адастырмай бірден Алатаудың асқақ та, айбынды шыңдарына жетелей берді.