Жаңалықтар

Студенттер мен жас ғалымдардың «Фараби Әлемі» халықаралық ғылыми конференциясына шақырамыз

18.02.2019

Құрметті әріптестер!

 

Сіздерді 2019 жылдың сәуір айының 9-10 күндерi әл-Фараби атындағы Қазақ Ұлттық Университетінің биология және биотехнология факультетінде өтетін, студенттер мен жас ғалымдарға арналған «Фараби Әлемі» халықаралық ғылыми конференцияға қатысуға шақырамыз.

Конференцияға студенттер, магистранттар, докторанттар мен жас ғалымдар шақырылады.

@A.Meldebekova, @L.Lebedeva, @G.Doktyrbay


Ары қарай оқу >>

Үздіктерге және ең лайықтыларға марапат: профессор Анатолий Тимофеевич Иващенко Әл-Фараби Күміс медалімен марапатталды

11.02.2019

2019 жылдың 6 ақпанында биология ғылымдарының докторы Анатолий Тимофеевич Иващенконың туғанына 75 жыл толды.

Профессор А.Т.Иващенко 1999 жылдан 2009 жылға дейін әл-Фараби атындағы ҚазҰУ-нің биология факультетінде биотехнология, биохимия, өсімдіктер физиологиясы кафедрасын басқарды.

А.Т.Иващенконың жан-жақты қызығушылығы көптеген ғылыми салаларды дамытуынан көрініс табады. Оның студенттері биохимия, молекулалық биология, генетика, биотехнология, биоинформатика, өсімдіктер физиологиясы, микробиология салаларында диссертацияларын қорғады, олардың көбісі шетелде жұмыс істеп жүр. ТМД-да алғаш рет оның жетекшілігімен «Биоинформатика» мамандығы бойынша 3 Ph.D диссертация қорғалды. Франция мен Израильде екі докторлық

А.Т.Иващенко қарқынды ғылыми-практикалық іс-шаралармен қатар үлкен ұйымдастырушылық және әлеуметтік жұмыстарды жүргізіп келеді. А.Т. Иващенко Бүкілодақтық биохимиктер қоғамына, Бүкілодақтық генетиктер қоғамына, Бүкілодақтық биофизиктер қоғамына, Ботаниктер одағының қоғамына, Бүкілодақтық генетиктер мен селекционерлер қауымына мүше болды. Көп жылдар бойы ғылым мен техника саласында Қазақстан Республикасының Мемлекеттік сыйлықтарын тапсыру жөніндегі Комиссия мүшесі болып жұмыс істеді.

2002 жылы «Қазақстан Республикасының ғылымын дамытудағы еңбегі үшін» төсбелгісімен марапатталды. Екі рет «ЖОО үздік оқытушысы» байқауының жеңімпазы.

Профессор Иващенко А.Т. іргесін қалаған Қазақстандық биоинформатика мектебі Республикаға және шетелде танымал.

Оның жемісті ғылыми жұмысының нәтижесі – 400-ден астам жарияланымдары, оның 150-ден астамы халықаралық журналдарда басылып шыққан, соның ішінде импакт-факторы жоғары журналдардағы жарияланымдарының саны 90-ға жуық.

Scival деректер базасына сәйкес А.Т.Иващенконың геномдық транскрипттер саласындағы мақақалары әлемдегі ең маңызды 1% жарияланымдардың қатарында.

Профессор Иващенко А.Т. мақақалары жоғары сілтеме жасалатын ғалым. Профессор А.Т. Иващенконың Scopus деректер базасындағы Хирш индексі 6-дан асады, оған жасалған сілтемелердің жалпы саны 119-ды құрайды, Scopus дерекқорындағы барлық басылымдарының саны 67.

2015-2018 жылдары А.Т.Иващенко Университеттің рейтингісінде 50 үздік оқытушылардың қатарында көшбасшы болды.

Биология ғылымдарының докторы, биотехнология кафедрасының профессоры Иващенко Анатолий Тимофеевичтің Қазақстан Республикасының ғылымы мен білімін дамытудағы үлкен еңбегін ескере отырып, әл-Фараби атындағы Қазақ ұлттық университеті «Әл-Фараби» күміс медалімен марапаттайды.

«Әл-Фараби атындағы ҚазҰУ-на сіңірген ерекше еңбегі үшін» Күміс медалі 2009 жылы тағайындалған. Дәстүр бойынша, соңғы 10 жыл бойы бұл марапат университеттің ең лайықты ғалымдарына, оқытушыларына және қызметкерлеріне беріліп келеді.

Биология және биотехнология факультетінің ұжымы Анатолий Тимофеевич Иващенконы шын жүректен туған күнімен құттықтайды!

@A.Meldebekova, @M.Narmuratova

Ары қарай оқу >>

Назарбаев Университетінің ғалымдарымен семинар

05.02.2019

4 ақпанда биология және биотехнология факультетіне Назарбаев Университетінің делегациясы келді. Семинар форматында өткен кездесу барысында Назарбаев Университетінің ғалымдары қатысушыларды НУ-дағы биологиялық және биомедициналық бағыттарда жүргізілетін жобалармен таныстырды.

Кездесу барысында әріптестер өзара пікір алмасып, өз жетістіктерімен бөлісті, сондай-ақ екі университеттер арасында өзара ынтымақтастық пен коллабораторлық мүмкіндіктер жайы да талқыланды.

@A.Meldebekova

Ары қарай оқу >>

Мектеп оқушыларының жобалық конкурсы

30.01.2019

2019-2020 оқу жылының басында Алматы қалалық білім беру басқармасының шешімімен Әл-Фараби атындағы Қазақ Ұлттық университетінің, биотехнология кафедрасының доценттері мектеп оқушыларының жобалық конкурсына әділ қазылық жасады. Мектеп оқушыларының ғылымға қызығушылығы ізденімпаздығынан көрініп тұр. Болашақ жастар ғылым мен білім көкжиегін жоғары биіктерге жеткізеді деп сенеміз.

Авторлар: Ерназарова Г.И., Тұрашева С.К., Нармуратова М.К.

Ары қарай оқу >>

әл-Фараби атындағы ҚазҰУ докторанттары шетелдік университеттерде ғылыми тағылымдамада

23.01.2019

Айниса Акиндыкова – биотехнология кафедрасының 2 курс докторанты, қаңтар айынан бастап Лотарингия университетінде (Нанси қ., Франция) сүт пептидтерімен ауыр металдарды хелаттау бойынша зерттеулер жүргізуді бастады.

А.Акындыкова «Қазақстанда азық-түлік өнімдерін өндіретін жануарларға әсерін азайту мақсатында қоршаған ортаны ластағыштарды секвестрлеу әдістері» тақырыбындағы диссертациясы бойынша Стефан Юрьянцтың жетекшілік етуімен үш айлық ғылыми тағылымдамадан өтуде.

Толығырақ Лотарингия Университетінің парақшасында: https://www.urafpa.fr/index.php/actualites/index/10

http://ensaia.univ-lorraine.fr/telechargements/croqinfos_424.pdf

@A.Meldebekova

Ары қарай оқу >>

«Winter camp» халықаралық ЖОО көрмесі

20.01.2019

2019 қаңтар айында Әл –Фараби атындағы ҚазҰУ-і, Маркетинг және рекрутинг орталығының ұйымдастыруымен Қаскелен қаласы Димерел университетінде «Winter camp» Халықаралық ЖОО көрме өткізілді. Аталмыш көрме алаңына Биология және биотехнология факультетінің кәсіптік бағдар бағдарға жауапты ПОҚ қатысып мектеп оқушыларына факультетіміздің мамандықтары туралы таныстырып қызығушылық танытқан сұрақтарына жауап берді.

Авторлар: Ерназарова Г.И., Тұрашева С.К., Нармуратова М.К., Жүнісбаева Ж.

Ары қарай оқу >>

Факультет деканының есеп беру кездесуі

19.01.2019

18.01.2019 жылы биология және биотехнология факультетінің деканы, профессор Болатхан Қазыханұлы Заядан факультеттің профессор-оқытушылар құрамы, студенттері мен магистранттарының алдында 2018-2019 оқу жылының І-жарты жылдық жұмысы мен даму жоспары бойынша есеп берді. Кездесуге университеттің оқу ісі жөніндегі проректоры А.К. Хикметов те қатысты.

Өз баяндамасында факульет деканы өткен жарты жылдықта атқарылған іс-шаралар, индикативтік жоспарға сәйкес факультеттің университеттік рейтингте алдыңғы орындардың бірін иемденгенін, студенттерге жасалып отырған мүмкіндіктер жайын сөз ете келіп, ашылғалы отырған қысқы бақ, жемісті қызмет етіп келе жатқан жылыжай, агробиостанция жұмыстарының қазіргі жағдайы мен келешек жоспарлары айтып берді.

Кездесу соңында А.К.Хикметов мырза факультетімізде 2019 жылы атқарылуға тиіс жұмыстар мен мақсат-міндеттерді қарастырып, факультеттің ақсақал оқытушыларының ұсыныстарын тыңдады.

Кездесу барысында студенттер мен оқытушылар қарастырылған тақырыптар аясында түрлі сұрақтарын қойып, тиісті жауаптар алды.

 

@A.Мелдебекова


Ары қарай оқу >>

«Желілік ғылыми жобалар конкурсы»

22.12.2018

Әл-Фараби атындағы Қазақ Ұлттық университетінің Биология және биотехнология факультетінің оқытушылары, Алматы қалалық Назарбаев зияткерлік мектебінде «Желілік ғылыми жобалар конкурсына» әділ қазылық жасады.

Авторлар: Авторлар: Ерназарова Г.И., Тұрашева С.К., Нармуратова М.К.

Ары қарай оқу >>

Тәуелсіздік күні қарсаңында ҚазҰУ-да «Алатау» қысқы бағы ашылды.

19.12.2018

Мұнда 50-ден астам тропикалық және субтропикалық өсімдіктер жинақталған, сондай-ақ фонтандар мен шағын архитектуралық нысандар, студенттерге демалуға және жұмыс істеуге арналған орындар бар. Қысқы бақта болашақ биологтар, геоботаниктер, экологтар мен басқа да мамандық иелері үшін сабақтар мен ғылыми тағылымдамалар, ал мектеп оқушылары мен табиғат әуесқойлары үшін экскурсиялар өткізілетін болады.

Бақ жинақтамасы сирек кездесетін және құнды өсімдіктермен, гүлдермен және сәндік композициялармен толықтырылып отырады. Бұл тамаша табиғи орта жасампаз жастар мен кампустың тұрғындары үшін ерекше тартымды орынға айналуда. Мұнда олар уақытты тиімді пайдаланып, демалып, арнайы эко-тренингтерге қатысып, өсімдіктерді күтіп-баптап және табиғат туралы көбірек білуге мүмкіндік алады.

Биоалуантүрлілік және биоресурстар кафедрасы

www.kaznu.kz

 

 

Ары қарай оқу >>