Әл-Фараби атындағы ҚазҰУ-дың 85 жылдығына орай, журналистика факультеті баспагерлік-редакторлық және дизайнерлік өнер кафедрасының ұйымдастыруымен, «Ұлттық рух ұясы» атты рухани апталықтың аясында Т. Қожакеев атындағы №230 мәжіліс залында «Қазақ баспа ісі: өткені мен бүгіні» атты алқасөз отырысы өтті. Алқасөз барысында алғашқы қазақ баспасы саналатын «Қазмембастың» құрылғанына келер жылы 100 жыл толуына байланысты келелі мәселелер талқыланды. 

Қарымды қаламгер, білгір журналист, еліміздің бұқаралық ақпарат құралдарында ұзақ жылдар басшылық жасаған оқу ордамыздың ұстазы Жұмабек Кенжалинның есімі болашақ журналистерге кеңінен танымал. Әл-Фараби атындағы ҚазҰУ мен журналистика факультетінің құрылғанына 85 жыл толуына орай «Жұмабек Кенжалин–Журналист. Ғалым. Ұстаз. Қайраткер» атты алқасөз осы тақырыпқа арналды.

Журналистика факультетінде Қозыбаев Сағымбай Қабашұлының 75 жылдық мерейтойы аталып өтті. Шараға ғалымның шәкірттері, әрәптестері, белгілі журналистер қатысты.

Құрылғанына 85 жыл толуына орай журналистика факультетінде өткізіліп жатқан «Ұлттық рух ұясы» апталығының кезекті қонағы - халықаралық «Түркістан» газетінің редакциясы.

Әл-Фараби атындағы Қазақ ұлттық университетінде биыл жүз жылдық мерейтойын мерекелеп жатқан еліміздегі ең байырғы, басты басылымы «Egemen Qazaqstan» республикалық газетінің апталығы ұйымдастырылды. Журналистика факультетінде ашылған «Egemen Qazaqstan» газетінің оқу-шығармашылық зертханасының тұсаукесер рәсіміне арнайы келген «Egemen Qazaqstan» газетінің АҚ Басқарма төрағасы Дархан Қыдырәлі бастаған редакция ұжымын Әл-Фараби атындағы ҚазҰУ ректоры Ғалымқайыр Мұтанов,  журналистика факультетінің деканы Сағатбек Медеубек қарсы алды.

«Ұлттық рух ұясы». ҚазҰУ-дың 85 жылдық мерейтойына орай журналистика факультетінде келелі кездесулер өткізілуде. Кезекті жүздесудің құрметті қонағы "Ана тілі" басылымының, "Ұлт" интернет-порталының бөлім редакторы Ақбота Мұсабекқызы болды.

«Ұлттық рух ұясы»   Журналистика факультетінің құрылғанына 85 жыл толуына орай «Баспасөз және жаңа медиа» апталығы  өтуде.                         Бүгінгі қонағымыз bugin.kz тәуелсіз авторлар платформасының бас редакторы, журналист Марғұлан Ақанның қатысуымен кезекті кездесу өтті. 

«Ретро FM»-ның бас редакторы, Қазақстан сән апталығының PR-директоры, «Unity» отбасылық фестивалінің директоры, ҚазҰУ журналистика факультетінің түлегі – Ботагөз Алдоңғарова шеберлік сағатында журналистика мамандығы, журналистика этикасы, сондай-ақ өзінің ҚазҰУ-дағы студенттік өмірі туралы шеберлік сағатын өткізді. 

21 қазанда әл-Фараби атындағы Қазақ ұлттық университетінің журналистика факультеті студенттері Массачусетс университетінің профессорымен кездесті.