Әл-Фараби атындағы Қазақ ұлттық университеті, Тарих факультеті, Археология, этнология және музеология кафедрасының профессор-оқытушылар құрамы мен 3 курс студенттері Абай ауылы, Абай атындағы орта мектептің 10-11 сынып оқушыларымен кездесу ұйымдастырып, факультеттегі мамандықтар бойынша жан-жақты ақпараттар берілді. Ғылыми бағдар жұмыстары аясында мектеп оқушылары Археология, этнология және музеология кафедрасының білім мен ғылымға қатысты іс-шаралары, далалық археологиялық, этнографиялық экспедициялар, студенттік өмірдің тыныс-тіршілігімен танысты.

04-06.11.2021 ж. аралығында Археология, этнология және музеология кафедрасының меңгерушісі Р.С. Жуматаев және кафедраның профессоры Т.Е. Қартаева Республикалық "Дарын" оқушылардың білім олимпиадасының "Тарих", "Этномәдениет" бағыттарына қатысатын үздік оқушылармен кездесіп, кафедра мамандықтары туралы жан-жақты мәліметтер беріп, жалпы кафедра және кафедрадағы белгілі ғалымдар туралы ақпараттармен таныстырды.

2 қараша, 2021 жылы Әл-Фараби атындағы ҚазҰУ, Тарих факультеті №10 студенттер үйінде ақын, жазушы Қазақстан жазушылар одағыны төрағасының орынбасары, Халықаралық «Алаш» әдеби сыйлығының иегері Бақыт Беделхан мен кездесу өтті. Аталған іс-шараға Археология, этнология және музеология кафедрасының ұстаздары т.ғ.к., профессор Т.Е. Қартаева, аға оқытушылар Б.Б. Бесетаев, А.Е. Ерғабылов және Тарих факультетінің 1-4 курс студенттері қатысты. Кездесу барысында ақын балалық және студенттік шақтары туралы баяндап, қазіргі қоғамның жастарына жаһанданудың заманына бейімделу, заманауи талапқа сай бәсекеге қабілетті білім жайлы ақыл-ойларын жеткізді. Іс-шараның екінші бөлімі пікір алмасу, сұрақ-жауап форматында өтсе, кездесудің соңына қарай ақын өзінің өлеңдерін оқып, студенттердің шығармашылықтарымен танысты.

Археология, этнология және музеология кафедрасының профессоры Елеуов М. жетекшілігімен №AP09260898 «Ортағасырлық Қышқала (Баршынкент): Алтын Орда дәуіріндегі қалалық мәдениет контекстінде» атты жоба бойынша 2021 жылы ортағасырлық Қышқалада 4 жерде археологиялық қазба жұмыстары жүргізілді. Олар: Қазба 1, қазба 8, қазба 9, қазба 10. Жүргізілген зерттеулер нәтижесінде қазба 1 - Алтын Орда дәуіріндегі зәулім кесене болғаны анықталды. Қазба 8 өзінің формасы мен құрылысының осы өлкедегі Сырлытам кесенесіне ұқсас салынғандығы, тіпті қыш кірпіштің құрамындағы қоспалардың бірдей екендігі белгілі болды. Қазба 9-да стратиграфиялық кесік салынды, нәтижесінде бұл жерде тұрғын үй кешені құрылысының іздері кездесті. Қазба 10 мен қазба 8-де іргелес жатқан ордың не екенін анықтау мақсатынды стратиграфиялық кесік салынды. Нәтижесінде оның Алтын Орда заманындағы қамал екендігіне көз жеткізілді.

Тарих ғылымдарының кандидаты, профессор Қартаева Тәттігүл Ерсайынқызының жетекшілігімен «AP08856696 - Қазақстанның шөлді атырабтарының егіншілік-малшаруашылық ландшафтарын этнографиялық және геоархеологиялық зерттеу: игеру мен бос қалдырулардың тарихи себептері» атты ғылыми жоба бойынша 2021 жылы кешенді этнографиялық-геоархеологиялық зерттеу келесі бағыттар бойынша жүргізілді: Шу өзені аңғары, Мойынқұм құмдары, елді мекендері, Аққайнар, Мәтібұлақ, Бөрішолақ елді мекендері, Қапшағай, Іленің шөлді, жартылай шөлді аймақтары. Аққайнар, Мәтібұлақ, Бөрішолақ елді мекендерінен байырғы қоныстар, байырғы мал шаруашылығы ауылдары, өазіргі малшы ауылдар, қуаңшылықтың әсері, төрт түлік малдың бағымы, табиғи су көздерін пайдалану зерттелді.

2021 жылдың далалық маусымында Ғани Қалиханұлы Омаровтың жетекшілігімен "ШҚО Аягөз ауданының археологиялық ескерткіштері: пәнаралық зерттеулер" атты ap09261115 жобасы бойынша Шығыс Қазақстан облысы Аягөз ауданында зерттеу жұмыстары жүргізілді. Бұл өңірде жоспарлы археологиялық жұмыстар алғаш рет жүргізілді. Барлығы 50-ден астам әртүрлі дәуірдегі қорымдар мен 3 жартастағы суреттер кешені ашылды.

2021 жылдың 22 мамырында археология, этнология және музеология кафедрасы және "Таңбалы"мемлекеттік тарихи-мәдени және табиғи қорық-музейі бірлесе отырып, «XIІI Оразбаев оқулары» халықаралық ғылыми-әдістемелік конференциясы аясында далалық семинар ұйымдастырды.

Музей жанынан ашылған кафедра филилалына профессор Тәттігүл Ерсайынқызы этнографиялық қабырғаға арнайы суреттер табыстады. Семинар барысында музеймен жоспарланған іс-шаралар талқыланып, атқарылатын жұмыстар сараланды. "Таңбалы"петроглифтерінің барлық топтарына экскурсия жасалынды.