Президенттік сайлау және кафедра ұжымының қолдауы

Күні кеше еліміз кезекті маңызды саяси оқиға – Казақстан Республикасы Президенттік сайлау науқанын сәтті аяқтап, «Жаңа Қазақстанның» тағы бір жаңа белесіне аяқ басуға шешім қабылдады.

Республика басшысы Қасым-Жомарт Тоқаев мырза ҚР президенті ретінде ел алдында салтанатты түрде ант беріп, ресми қызметіне кіріскеніне бірер аптаның жүзі болды. Президенттік сайлауда басым дауыспен жеңіске жеткен Қасым-Жомарт Тоқаевты ұлықтау рәсімі әдеттегідей Астанадағы Тәуелсіздік сарайында көк туымыз бен президент байрағы, Ата заңымыз сияқты мемлекеттік рәміздердің қатысуымен халықаралық хаттама ережесіне сәйкес барынша бекзаттықпен, салтанатпен атап өтілгеніне қалың бұқара куә болды.

"Қазақстан халқына адал қызмет етуге, Қазақстан Республикасының Конституциясы мен заңдарын қатаң сақтауға, азаматтардың құқықтары мен бостандықтарына кепiлдiк беруге, Қазақстан республикасы президентінің өзiме жүктелген мәртебелi мiндетiн адал атқаруға салтанатты түрде ант етемiн" деген ел басшысы мемлекеттік қазақ тілінде өз жұртының алдында ант берді. Мемлекеттік әнұранның шырқалуы, сарай алдындағы зеңбіректерден оқ атылуы және т.б. атрибутикалық ережелердің орындалуы - Қазақстан президентінің ресми түрде қызметіне кіріскендігін дәлелдеп жатты.

Жалпы қайсыбір сайлау болмасын, ол елдің болашағын бағамдап айқындауда және оның даму стратегиясында, кемелдену кезеңінде, жетілу жолында маңызды рөл атқарады. Үкімет пен халық арасындағы сындарлы диалог, өзара сенім, елдің рухани-моральдық потенциалы, сауда-экономикалық әл-ауқаты, тұрақты даму мақсаттарына қол жеткізуге бағытталған жобаларды жүзеге асыру мүмкіншілігі – барлығы да сайлау кезіндегі әрбір азаматтың таңдау обьектісінің жауапкершілігіне тікелей байланысты болмақ.

Сайлау кезінде жиналған әрбір азаматтың дауысы халқымыздың өмірінде бастан кешкен нәтижелері мен болашаққа деген сенімі үшін берілді деп айтуға болады. Соңғы бірер жылда Қасым-Жомарт Тоқаевтың басшылығымен елімізде «Жаңа Қазақстан» атты ұғымның аясында ауқымды жұмыстар атқарылуда. Қазіргі таңда жаңару үрдісі бармаған аймақтар кемде-кем болар. Ел өңірлеріндегі алыс аудандар мен ауылдарды дамытуға, өнеркәсіп пен халыққа қызмет көрсету саласын кеңейтуге үлкен мүмкіндіктер жасалып, мейлінше еркін дамудың қақпасы айқара ашылды. Тәжірибелік тиімділік, адам капиталын жоғары қою жаңа қазақстандық реформалардың көздеген басты мақсатына айналды. Әртүрлі топтарға арналған әлеуметтік бағдарламалар жүзеге асырылуда. Әсіресе ғылым мен білім беру ісін ізгілендіруге, дамытуға көп көңіл бөлінді.

Қасым-Жомарт Тоқаев мырза отандық ағартушылық саласы жүйесінің үздік үрдісін сақ­тай отырып, қашанда даму жолын­да болу керектігін айтып жүр. Қазақстанның дамыған ел қатар­ына қосылуының кілті сапалы, қолжетімді және заманауи білімде екенін де жиі тілге тиек етеді. Бұл үшін осы саланың дамуына жаңа, қуатты серпін берудің маңыздылығын да ескертеді. Былтыр шілде айында ЖОО-ларға академиялық еркіндік пен қаржылық дербестік беру туралы көптен күткен заң қа­­был­­данды. Шетелдік студенттер­дің саны 9 мыңға артып, бұл бар­лық ізденушілердің 4 пайызын құрады.

Қазақ ғылымы мен Жоғарғы мектебінің қара шаңырағы – Әл-Фараби атындағы Қазақ Ұлттық университетінің Түркітану және тіл теориясы кафедрасы жаңа Қазақстанның жаңа президенті ұстанған бағытты да, саяси көзқарасын да, жалпы ғылым мен білімді жаңа форматқа өткізу кезеңінің енді келгенін баяндап жатқан хабарламаларын да қолдайды. Болашаққа стратегиялық қадам жасауға бағытталған ғылым мен Жоғарғы білім беру саласында Президентіміз Қасым-Жомарт Кемелұлы Тоқаев сенген жаңа ұрпақты тәрбиелеу жауапкершілігін толығымен мойнымызға алатынымызды, еліміздің даму жолындағы жаңа көзқарастарды қабылдауға дайын екендігімізді жеткізгіміз келеді.

Түркітану және тіл теориясы

кафедрасының меңгерушісі,

филол.ғ.докторы, профессор

Авакова Раушан Амирдинқызы

Филология ғылымдарының кандидаты,

доцент міндетін атқарушы

Акимишева Жанар Абдисадыккызы

Мен жастарға сенемін
Қазақстан Республикасы Президенті Қ-Ж.К. Тоқаевтың сөзі сөйлеуіне пікір

2022 жылғы 26 қарашада инаугурация – Қазақстан Республикасының Президенті Қасым-Жомарт Тоқаевты ресми ұлықтау рәсімінің салтанатты рәсімі өтті.
Қасым-Жомарт Тоқаев өз сөзінде мемлекет дамуының стратегиялық бағыттарын жариялап, басымдықтардың қатарында жастар саясатын дамыту және ел болашағы ретінде жастарға қолдау көрсетуді атап өтті. Елбасы өз сөзінде жастарымыздың рөліне ерекше тоқталып: «Алдыңғы қатардағы мемлекеттердің алдыңғы қатарында болу үшін тек қана үйреніп қоймай, өзгеге де үйрететін ұлт болуымыз керек. Біз басқалардың жасағанын пайдаланып қана қоймай, әлемге өзіміздің жаңалықтарымыз бен жетістіктерімізді беруіміз керек. Бұл үшін халқымыздың әлеуеті де, таланты да, шеберлігі де бар. Мен біздің серпінді және озық ойлы жастарымызды мақтан тұтамын. Сондықтан ақын Мағжан Жұмабаевтың «Мен жастарға сенемін» деген сөзін қайталауға дайынмын. Расында, жастарды бәріміз де қолдауымыз керек! Еліміздің жарқын болашағына жол ашатын – жас ұрпақ. Бірақ жетістікке жету үшін жастар талмай еңбектенуі, жаңа білім мен тәжірибеге ұмтылуы қажет. Сонда ғана олар өз ісінің нағыз маманы болып, сұранысқа ие болып, құрметке ие болып, қоғамға пайдасын тигізеді» [1].
Осыған байланысты мектеп пен университет түлектерінің алдында басты таңдау – мамандық алу тұр, бұл өз кезегінде адамның болашақ өмірін айқындайды.
Еліміздегі ең ірі оқу орны – әл-Фараби атындағы ҚазҰУ озық ойлы жастарды өз қабырғасында біріктірді, университет сұранысқа ие мамандықтар бойынша болашақ мамандарды дайындайды. Мәселен, ҚазҰУ-да 16 факультет, 68 кафедра, 97 өндірістік филиал, 8 ғылыми-зерттеу институты, 29 ғылыми орталық және технопарктер табысты жұмыс істеуде. Бүгінгі таңда университет студенттерге заман талабына және еңбек нарығына бейімделген заманауи оқу пәндері мен бағдарламаларын ұсынатын бакалавриат, магистратура, докторантура бойынша 500-ден астам білім беру бағдарламаларын жүзеге асыруда. ҚазҰУ-дың Орталық Азиядағы бірінші университет болуы кездейсоқ емес, ол Түлектердің жұмысқа орналасу рейтингінде 550 университеттің ішінде 201-250-орынға ие болды [2].
Кез келген мемлекеттің басты құндылығы – осы елдің халқы, азаматтары. ҚазҰУ-дың өскелең ұрпағы бакалавриат студенттері, магистранттары мен докторанттары – жаңа формацияның болашақ мамандары, олар заман талабын ескере отырып, кәсіби қызметін құруға және дұрыс бағалауға, өз саласындағы озық отандық және шетелдік тәжірибені қабылдауға тиіс. білім. Елбасымыз атап өткендей, «Әділетті мемлекет боламыз десек, өткенге объективті баға беріп, одан сабақ алуымыз керек. «Жақсылықты үйрен, жаманнан аулақ бол». Бұл ережені болашаққа ұмтылған мемлекет ұстануы керек.
Отансүйгіштік, ізденімпаздық, ынтымақ пен мейірімділік – еліміздің және университетіміздің шынайы құндылықтары. Әл-Фараби атындағы ҚазҰУ болашаққа ұмтылып, бүгінді сеніммен тұрғызады, өткен дәстүрді қастерлеп, қастерлейді.
Дереккөздер:
https://www.akorda.kz/ru/vystuplenie-glavy-gosudarstva-kktokaeva-na-ceremonii-inauguracii-2610566
https://www.kaznu.kz/ru/3/news/one/28532/

Ибраева Жанар Құлматовна,
филология ғылымдарының докторы, түркітану және тіл теориясы кафедрасының доценті
әл-Фараби атындағы ҚазҰУ