Іс-шаралар

Әл-Фарабидің 1150 жылдық мерейтойына және Қазақстан Республикасының Тәуелсіздік күніне арналған "Қазақстан бойынша саяхат" зияткерлік ойыны

02.12.2020

«Тарихи компьютинг» студенттік ғылыми клубының кезекті отырысында Шығыстың ұлы ойшылы - Әбу Насыр әл-Фарабидің 1150 жылдығына және Қазақстан Республикасының Тәуелсіздік күніне арналған «Қазақстан бойынша саяхат» интеллектуалды ойыны өтті.

Ойынға факультетіміздің 2 курс студенттерінен құралған командалар - археологтар, тарихшылар және мұрағатшылар қатысты.

Ғажайып елге қызықты саяхатқа шыққан студенттер ежелгі тарих, төл мәдениет, ежелгі аңыздар және Қазақстанның ең әдемі табиғаты - Ұлы Дала елі туралы білімдерін көрсетті.

Археолог-студенттер командасы бірінші орынды иеленді (І дәрежелі диплом) және ең жақсы нәтиже көрсетті.

Команда капитаны - Бозғұлова Аяжан. Команда мүшелері - Никита Шатохин, Никита Петренко, Вадим Воловенко.

II дәрежелі дипломды тарихшылар алды: топ капитаны - Жолмұхамбетов Әділ, топ мүшелері - Камышкенова Азалия, Жуманова Салтанат және Бахман Исмаил.

Мұрағатшылар тобы ІІІ дәрежелі Дипломмен марапатталды. Команданың капитаны - Заитова Гүлсұрын, ал команда мүшелері - Төлеу Мөлдір, Амантай Айгүл, Өтегенова Гүлжахан.

Құттықтаймыз және алдағы уақытта да сәттілік тілейміз !!!

СҒК ғылыми жетекшісі, т.ғ.д., профессор С.А.Жакишева

Ары қарай оқу >>

Әл-Фараби атындағы ҚазҰУ Тарих, археология және этнология факультеті Дүниежүзі тарихы, тарихнама және деректану каферасында «Тарихи компьютинг» студенттердің ғылыми клубынің (СҒК) отырысы өтті.

27.11.2020

"Тарихи компьютинг" СҒК кезекті мәжілісінде ғылыми мақалалардың тақырыптары және олардың құрылымы талқыланды, сондай-ақ  клуб мүшелері өз зерттеулерінің нәтижелерімен қандай іс-шараларға қатысатыны анықталды.

СҒК ғылыми жетекшісі «Ғылыми мақаланы қалай дайындау керек» тақырыбында дәріс оқыды. СҒК -нің барлық мүшелеріне ғылыми мақаланы қалай жазу керектігі туралы әдістемелік нұсқаулық берілді.

СҒК ғылыми жетекшісі, т.ғ.д., профессор С.А.Жакишева 

 

Ары қарай оқу >>

Елбасы Н. Назарбаевтың «Абай аманаты» мақаласын талқылау

27.11.2020

Дүние жүзі тарихы, тарихнама және деректану кафедрасының  ұйымдастырумен   ҚР Президент Архивімен бірге   ҚР Тұңғыш Президент күніне орай   Елбасы Н. Назарбаевтың «Абай аманаты» мақаласын талқылауға  арналған Дөңгелек үстел  өтті.

Іс-шараның мақсаты Елбасы Н. Назарбаевтың «Абай аманаты» мақаласын талқылау.

Баяндамашылар:

Жүгенбаева Г.С. - Әл-Фараби атындағы ҚазҰУ Дүниежүзі тарихы, тарихнама және деректану кафедрасының профессорының м.а., т. ғ. д. «Ұлттың өре өлшеміндегі Абай шыңы» тақырыбында баяндама жасады.

«ИТ Архивтану және құжаттану» мамандығының 2 курс магистранты Мухтарова А «Абай және ХХ ғасырдағы қазақ әдебиеті архив құжаттарында» тарихи-құжаттық көрмесіне шолу жасады.

«Архивтану, құжаттану және құжаттаманы басқаруды қамтамасыз ету» мамандығының 3 курс студенті

Кәкімов Бауыржан Ұлы ақын Абайға өзі арнаған өленің оқыды.

Дөңгелек үстел барысында Абай мұрасының жас ұрпақ тәрбиелеудегі маңызы көрсетіліп, пікірлер алмасты.

Ұйымдастырушылар: Алпысбаева Н.К., Жүгенбаева Г.С.,  Жунисбаева А., Маканбаев Т. және студенттер мен магистранттар, докторанттар.

 

Ары қарай оқу >>

"Жастық шақтың ізімен"

25.11.2020

Қазақстан Республикасының Тұңғыш президенті күніне орай бүгін әл-Фараби атындағы Қазақ Ұлттық Университеті Тарих, археология және этнология факультетінің студенттерімен онлайн форматында  Елбасының курстасы,қоғам қайраткері,жазушы- Тельман Спаев атамызбен "Жастық шақтың ізімен" атты кездесу өтті. 
Тельман атамыз,студенттерге ыстық лебізін білдіре отырып,елін сүйген елбасымен өткен жарқын шақтарын еске алды. Бұл ретте студенттер де көкейде жүрген көп сұрағын Елбасының курстас жолдасына қойып,әдемі сұхбат жүргізді.  Кездесудің үлкен тәрбиелік мәні болды. Елбасының еңбек және өмір жолымен  танысқан студенттер рухани азық алып, үлкен әсерге бөленді.

Ары қарай оқу >>

АҚПАРАТТЫҚ ХАТ

21.11.2020

АҚПАРАТТЫҚ ХАТ

ҚҰРМЕТТІ ӘРІПТЕСТЕР!

Әл-Фараби атындағы Қазақ ұлттық университеті және «TILEU-QABAQ» қоғамдық қоры 2020 жылы 3 желтоқсанда Алтын Орданың құрылуына 750 жыл толуына орай «Ер Едігенің Алтын Орда тарихындағы орны» атты онлайн форматта республикалық ғылыми-тәжірибелік конференция өткізеді.

Конференцияда Ер Едігенің тарихи рөлі, сондай-ақ басқа да тұлғалардың қызметі мен Алтын Орда тарихына қосқан үлесі қарастырылып, тақырыпқа қатысты қазіргі кездегі концептуалдық көзқарастар талқыланады.

Конференция жұмысы пәнаралық синтез негізінде Алтын Ордадағы саяси қарым-қатынастар мен ондағы жекелеген тұлғалардың қызметін қазақ мемлекеттілігінің қалыптасу тарихына қосқан үлесі аспектісінде қарастыруға арналған. Сонымен қатар Еуразия құрлығындағы саяси, мәдени және әлеуметтік тарихты зерттеуге байланысты жүргізілген археологиялық ізденістердің негізінде жасалған тың тұжырымдар мен ғылыми жаңалықтар сарапталады.

 

Конференцияның жұмыс бағыттары:

-         Алтын Орда дәуіріндегі тарихи тұлғалар және Ер Едіге;

-         Заманауи зерттеулердегі Алтын Орда тарихының өзекті мәселелері;

-         Халық ауыз әдебиетіндегі Ер Едігенің тарихи болмысы.

Конференцияның өткізілу тілдері – қазақ және орыс.

Конференцияға отандық жетекші тарихшы, археолог, филолог, шығыстанушы, қоғамтанушы ғалымдар мен мемлекеттік және қоғамдық ұйымдардың өкілдері, сарапшылар, БАҚ өкілдері қатысады.

Конференция материалдарын рәсімдеу талаптары қосымшада беріледі.

 

Конференцияға қосылу Zoom

https://us02web.zoom.us/j/85968892387?pwd=RzhoTEFCZVlIRTVROG9IZUdwTEZoZz09

Конференция идентификаторы: 859 6889 2387 

Кіру коды: 351123 

 

 

ҚҰРМЕТПЕН, ҰЙЫМДАСТЫРУ АЛҚАСЫ!


Қосымша 1

Материалдарды рәсімдеуге қойылатын талаптар:

 

Конференция бағдарламасына кіргізіп, жинағын дайындау үшін 2020 ЖЫЛДЫҢ

26 ҚАРАШАСЫНА ДЕЙІН толтырылған тіркелу формасын, 7-10 бетке дейінгі көлемдегі Microsoft Оffice Word (2003, 2007) арқылы терілген мақалаларыңызды«конференцияға» деген айдармен электронды нұсқасын (материал кері қайтарылмайды) ұйымдастыру алқасына жіберу қажет.

Ұйымдастыру комитетінің байланыстары: Алматы қ., әл-Фараби даңғылы, 71, Бас оқу ғимараты 3, каб. 4-4, Қазақстан тарихы кафедрасы. Тел.: +7 (727)3773338 (вн. 12-86), 87078737923, e-mail: kafedra.kaz@gmail.com

Әр файлда тек бір мақала болуы керек, файлдың атауына автордың тегі жазылуы қажет (Мысалы: Sadykova Ainur_ conference)  

 

Баяндамаларды рәсімдеуге қойылатын талаптар: 

  • ·      шрифті Times New Roman, (12 pt); интервал – 1, жиектері: жоғарғы – 2 см, төменгі – 2 см, сол – 3 см, оң – 1 см, абзац– 0,6 см.;
  • ·  жоғарғы жағында баяндама тақырыбы, 1 интервалдан кейін автордың аты-жөні, жұмыс орны, қаласы, тағы 1 интервалдан кейін мәтін
  • ·  суреттер (ақ-қара түсті) 300 dpi –ден кем емес JPEG, JPG форматында сканерленген болуы шарт
  • ·  Сілтеме тік төртбұрышты жақшамен мәтіннің соңында берілуі тиіс.

 

Жинаққа ұсынылатын материалдарыңыз қатаң редакцияланған, талапқа сай болуы тиіс. Баяндама мәтіні мен мазмұнына автор жауап береді. Мақаланы қабылдау, жариялау туралы шешімді Ұйымдастыру алқасы қабылдап, 3 күн мерзімнің ішінде электронды адреске жауаптарын жібереді. Конференция жинағы ұйымдастырушылар қаржысына шығарылады.

 

Конференцияға қатысушылардың жолы, қонақ үйі, тамағы конференцияға қатысушылардың тарапынан төленеді.

 

ТІРКЕЛУ ФОРМАСЫ 

Тегі ______________________________________________________________ 

Аты ______________________________________________________________ 

Әкесінің аты (толық)________________________________________________ 

Ғылыми дәрежесі, лауазымы__________________________________________ 

Жұмыс орны (елі, ұйымның толық атауы, кафедрасы)____________________

Байланыс телефондары, E-mail _______________________________________

Секция____________________________________________________________ 

Баяндама тақырыбы_________________________________________________ 

Мен:

¨     Секция отырысында баяндама жасаймын;

¨     Конференцияға тыңдаушы ретінде қатысамын;

¨          Сырттай қатысамын.

 

Өтетін орны: Алматы қ., Әл-Фараби даңғылы, 71, Әл-Фараби атындағы ҚазҰУ, Әл-Фараби кітапханасы, 409 зал. Басталуы: сағ.10.00. 

 


 

Ары қарай оқу >>

«Мұратану» үйірмесінің кезекті отырыс өтті

09.11.2020

Үйірме отырысына «Кітапханалық ақпараттық жүйелер» мамандығының студенттері мен магистранттары қатысты. Кезекті отырыстың мақсаты студенттердің ғылыми белсенділігін арттыру негізінде ғылыми конференцияларға дайындау. Әр студентке  оқу жылдың басында берілген тақырыптар негізінде ғылыми жұмыстары бойынша бағыт-бағдар берілді.

Ары қарай оқу >>

Жыл сайынғы Славян, шығыс еуропа және еуразиялық зерттеулер ассоциациясының (ASEEES) конференциясы биылғы жылы бірінші рет онлайн форматта өткізілді

08.11.2020

2020 жылы 08 қараша күні әл-Фараби атындағы Қазақ Ұлттық университеті Тарих, археология және этнология факультеті Дүние жүзі тарихы, тарихнама және деректану кафедрасының меңгерушісі, т.ғ.д., профессор Сұлтанғалиева Гүлмира Сәлімжанқызы мен аға оқытушы Абдрахим Мирас Еркінұлы жыл сайынғы Славян, шығыс еуропа және еуразиялық зерттеулер ассоциациясының (ASEEES) конференциясына қатысты. Биылғы жылы бірінші рет онлайн форматта өткізілген бұл ғылыми конференцияда «Personality in the Frames of Social Transformation in Kazakh Nomadic Society of the 19th Century: Challehges and Answers» атты арнайы панель жұмысы аясында профессор Сұлтанғалиева Г.С. «Bekimbaev’s Dynasty: From Officer to Nobleman of the Russian Empire» және аға оқытушысы Абдрахим М.Е. «Universality of Kazakh officials in the Semirechensk oblast: the case of Asylkhoja Kurmanbayev» атты ғылыми баяндамаларын жасады. Сонымен қатар баяндамадан кейін конференция қатысушылары тарапынан сұрақтар қойылып, ғылыми пікір-талас орын алды.

Ары қарай оқу >>

«Мұрағаттану, құжаттану және құжаттаманы басқаруды қамтамасыз ету» мамандығының 1 курс студенті Муханбетжан Дана жыл сайын дәстүрлі түрде өткізілетін «Жалын» атты өнер конкурсында жүлделі ІІ орынды иеленді

02.11.2020

Әл-Фараби атындағы Қазақ Ұлттық Университеті Тарих археология және этнология факультеті Дүние жүзі тарихы, тарихнама және деректану кафедрасының «Мұрағаттану, құжаттану және құжаттаманы басқаруды қамтамасыз ету» мамандығының 1 курс студенті Муханбетжан Дана жыл сайын дәстүрлі түрде өткізілетін «Жалын» атты өнер конкурсына катысып, факультет намысын қорғап шықты. Бала кезінен өлең оқуды ұнатқандықтан, «Жас ақындар» номинациясына қатысқанды жөн санаған. Авторлық өлеңін шебер орындап, қоңыр даусымен көрермен көзайымына айналып, сайыстың нәтижесі бойынша, барлык факультет студенттері арасынан оза шауып, жүлделі 2 орынды иеленген Муханбетжан Дананы құттықтаймыз!

Ары қарай оқу >>

"Абай және иман " дөңгелек үстелі

30.10.2020

Дүниежүзі тарихы, тарихнама және деректану кафедрасы қазан айының 30 ыншы жұлдызында, сағат 11: 00 де Қазақ халқының ұлы ойшылы, ақын, философ, хакім Абайдың 175 жылдық мерейтойына орай, ойшылдың атақты қара сөздері бойынша иман мәселесін талқылауға арналған тәрбиелік іс шара өткізеді !


Ары қарай оқу >>

Әл-Фараби атындағы ҚазҰУ Тарих, археология және этнология факультеті Дүниежүзі тарихы, тарихнама және деректану каферасында «Тарихи компьютинг» студенттердің ғылыми үйірмесінің (СҒҮ) отырысы өтті.

20.10.2020

«Тарихи компьютинг» студенттердің ғылыми үйірмесінің алғашқы отырысында СҒҮ төрайымы болып «Тарих» мамандығының 2-курс студенті Несіпбай Асқар, төрайым орынбасары болып «IT-мұрағаттану және құжаттану» мамандығының 2-курс магистранты Мухтарова Айгерим тағайындалды.

Үйірме мүшелерінің ғылыми-зерттеу жұмыстарының негізгі бағыттары анықталды. Отырыс барысында үйірме мүшелері IT-технологияны тарих және архив ісінде қолдану туралы ойларымен бөлісті, зерттеудің нақты бағыттары бойынша шығармашылық топтардың құрамын анықтады. СҒҮ 2020-2021 оқу жылына арналған ғылыми-зерттеу жұмысының жоспары бекітілді.

СҒҮ ғылыми жетекшісі, т.ғ.д., профессор С.А.Жакишева 

 

Ары қарай оқу >>