Онлайн режимде «Тарихи компьютинг» СҒК кезекті отырысы өткізілді. Клуб мүшелері – студенттер мен магистранттардың ғылыми зерттеулерінің нәтижелері талқыланды.

Талқылау және сапалы іріктеу барысында Фараби оқуларына қатысуға клубтың 7 қатысушысының тезистері ұсынылды.

СҒК ғылыми жетекшісі, т.ғ.д., профессор С.А. Жакишева «Ғылыми танымның негізгі принциптері және олардың ерекшеліктері» тақырыбында дәріс оқыды, сонымен қатар «Тарихи информатика» атты презентация ұсынды.

2020 жылдың 4 науырызында әл-Фараби атындағы ҚазҰУ-дың ғалым профессорлары Қ.Т. Жұмағұлов, Т.О. Омарбеков, Б.Б. Кәрібаев ҚР Білім және ғылым министрі А.Қ. Аймағамбетовтың қатысуымен өткен ҚР ҰҒА Жалпы жиналысының сессиясына қатысты. Үзіліс барысында профессор Қ.Т. Жұмағұлов әріптестерімен 2019 жылғы Ватикандағы (Biblioteca Apostolica Vaticana) ғылыми ізденістерінің нәтижелерімен бөлісті. Атап өтер болсақ, ол латындық Батыстың Шығыспен, яғни түркі әлемі мен Қазақстанның тарихында ерекше маңыздылыққа ие Алтын Ордамен өзара қарым-қатынастарының тарихын айқындайтын сирек кездесетін манускриптілерді зерттеді.

Осы жылдың 2 наурызында әл-Фараби атындағы ҚазҰУ-дың ғалымдары, профессорлар Қ.Т. Жұмағұлов, Т.О. Омарбеков, доцент Г.С. Беделова Халықаралық ғылыми семинардың жұмысына қатысты. Бұл семинар ҚР-ның Шығыстану Институтының тарихи материалдарды зерттеу бойынша республикалық ақпараттық орталығы және Лувэна (Бельгия) Католиктиік университетімен ұйымдастырылды.

2020 жылдың 01-ші наурыз күні Әл-Фарабидің 1150- жылдығына орай бастау алған "Қайырымды қоғам" челленджін қолдау мақсатында "Тарих, археология және этнология" факультетінің "Дүние жүзі тарихы, тарихнама және деректану" кафедрасының  профессор оқытушылары мен 1-курс магистранттары "Жанұя" балалар үйінде барып қайтты. Шара барысында Әль-Фараби атындағы  ҚазҰУ-нің Дүние жүзі тарихы, тарихнама және деректану" кафедрасының  профессор оқытушылары мен    п.ғ.д., профессор Ш. Таубаева тәрбиеленушілерге «Тәрбиесіз берілген білім адамзаттың қас жауы» тақырыбында дәріс оқып, кездесу соңында балаларға сыйлықтар табыс етілді.    

«Documentum» клубының кезекті жиналысында клуб мүшелері ғылыми-зерттеу тақырыптары бойынша баяндама жасап, талқыға салды.Қатысқандар: «Documentum» клубының ұйымдастырушы тобы және клуб мүшелері. 

Алматы қаласының № 146 мектеп-лицейінде Әл-Фарабидің 1150 жылдық мерейтойына арналған «Ұлы Даланың Ұлы тұлғасы – ұлтымыздың мақтанышы»  атты кеш өтті. Кешті ұйымдастырған аталмыш мектеп ұжымы (мектеп директоры – Нұрадинов Н.М., Директор орынбасарлары  Бахина А.А., Сатова Ж., тарих пәнінің мұғалімі Қамысбаева Қ.Б.) және әл-Фараби атындағы ҚазҰУ тарих, археология және этнология факультетінің 4 курс студенттері. Кешке факультет профессор-оқытушылары:  т.ғ.к., доценттер Құнапина Қ.Қ., Қартабаева Е.Т. қатысты.

Әл-Фарабидің 1150 жылдық мерейтойына арналған «Білім беруді цифрландыру жағдайындағы әл-Фарабидің педагогикалық тұжырымдамасының заманауи түсіндірілуі»  атты 50-ші халықаралық ғылыми-методикалық конференция аясында тарих, археология және этнология факультетінде «Қазіргі кезеңдегі ЖОО түлектерінің құзыреттілік моделі» атты дөңгелек үстел өтті. Дөңгелек үстелді ұйымдастырған тарих, археология және этнология факультеті методбюросы. Жиынға факультет профессор-оқытушылары, студенттер мен магистранттар, Алматы қаласы орта мектептерінің мұғалімдері мен әкімшілігі өкілдері, Ш. Уәлиханов атындағы тарих және этнология институты Қазақстанның ежелгі және ортағасырлық тарихы бөлімі меңгерушісі, т.ғ.к., доцент Ужкенов Е.М., «Өрлеу» БАҰО» АҚ  қызметкері, т.ғ.д., Сардарова Ж.И., университеттің әдістемелік бөлімі қызметкері Омарбекова Ж.Қ. қатысты.

ҚазҰУ-да өткен "Білім беруді цифрландыру жағдайында Әл-Фараби педагогикалық тұжырымдамасының заманауи түсіндірмесі" атты 50-ші Халықаралық ғылыми-әдістемелік конференция аясында тарих, археология және этнология факультетінде "ЖОО оқытушыларын оқыту және аттестаттау жүйесін енгізу"секциясы жұмыс істеді.

Секция модераторлары т.ғ.д., дүние жүзі тарихы, деректану және тарихнама кафедрасының профессоры С. А. Жакишева мен оқытушы А. А. Жүнісбаева болды. Отырысқа факультет оқытушылары, ҚР БҒМ Ш.Ш. Уәлиханов атындағы Тарих және этнология институтының жұмыс берушілері мен Мемлекеттік Ә.Қастеев атындағы өнер мұражай өкілдері, ҚазҰУ докторанттары қатысты.

ПОҚ-ды аттестаттау және оқыту мәселелеріне ғана емес, сонымен қатар білім беру процесіне ақпараттық технологияларды енгізу, цифрландыру жағдайында оқытушылар мен түлектер құзыреттерінің үлгілерін әзірлеу мәселелеріне, ЖОО-ның білім беруді дамытудың басқа да өзекті және перспективалық жолдарына қатысты кең ауқымды мәселелер талқыланды.

ҚазҰУ факультеттерінің жоғары оқу орны оқытушыларын оқыту және аттестаттау жүйесін енгізу және цифрлау жағдайында білім беру моделін жетілдірудің басқа мәселелері бойынша ұсыныстарды конференцияның қорытынды отырысында спикер С.А. Жакишева ұсынды.

Қазақ топырағынан шыққан ұлы данышпан Әбу Насыр Мұхаммед ибн Тархан әл-Фараби бабамыздың 1150 жылдық мерейтойын  ҚазҰУ студенттері мен ұстаздарының қатысуымен 146 мектеп-лицейі шәкіртері, ұжымымен  бірге 05-ақпан күні атап өтті. Бар өмірін ғылым мен білімге арнап,  70-ке жуық тілді меңгерген   ұлы ойшыл ұстаз жайлы зерттеу жұмыстары жүргізіліп, ғұлама өмірін сипаттап сахналық  қойылымдар қойылып ашық тәрбие  сағаты кең көлемде  өте тартымды өтті. Практика жетекшісі Кунапина Кайыркен Құдайбергенқызы іс-шара соңында студенттер мен оқышыларға, мектеп ұжымына алғыс айтты.

4 ақпан 2020 ж. №51 гиназияда Абай Құнанбаевтың 175 жылдығына орай Тарих, археология және этнология факультетірінің студенттері іс-шара өткізілді. Шараға мұғалімдер, ата-аналар, оқушылар қатысты.