Әл-Фараби атындағы ҚазҰУ-дың  Шығыстану факультеті «Өлмейтұғын артында із қалдырған» деген тақырыппен Пәкістанның іргетасын қалаушы және бірінші генерал-губернатор – ұлт көсемі саналатын, Британдық Үндістанның бөлінуін жақтаған ең белсенді қатысушылардың бірі, аса ірі мұсылман саяси қайраткері Мухаммад Али Джиннаның туған күнін онлайн форматта атап өтті.

2020 жылғы 23 желтоқсанда әл-Фараби атындағы Қазақ ұлттық университетінің шығыстану факультеті Таяу Шығыс және Оңтүстік Азия кафедрасы мен «Тұран-Иран» ғылыми-зерттеу орталығы бірлесе отырып ұйымдастырған ойшыл ақын Абай Құнанбайұлының 175-жылдық мерейтойына орай онлайн форматтағы «Абай және түркі-парсы шайырлары» атты халықаралық ғылыми-конференция өтті.

2020 жылдың 21 желтоқсанында Әл-Фараби атындағы ҚазҰУ Шығыстану факультеті Таяу Шығыс және Оңтүстік Азия кафедрасы «Гүлістан» үйірмесі көне замандардан бастау алатын парсы жұртының «Шаб-и Ялда» мерекелік шарасын атап өтті.

Желтоқсан айының 16-жұлдызында шығыстану факультетінің Таяу Шығыс және Оңтүстік Азия кафедрасы арабтану бөлімінің аға оқытушысы Ф.Т. Жұмажанованың ұйымдастыруымен, кафедра студенттерінің қатысуымен Қазақстан Республикасының Тәуелсіздігіне 29 жыл толуына орай «ZOOM» платформасында «Желтоқсан жеткізген жеңісің – Тәуелсіздігің!» тақырыбында онлайн кездесу өтті.

2020 жылдың 30 қарашасы мен 13 желтоқсаны аралығында «Қытай тілі көпірі» атты онлайн семинар өтті. Семинардың негізгі ұйымдастырушылары: ҚХР Білім министрлігіне қарасты қытай және шет тілдерінің байланыс және ынтымақтастық орталығы, Пекин тілдер университетінің халықаралыққытай тілін оқыту бөлімі, ҚХР мәдениетін әлемге тарату орталығы. Онлайн-семинарға Корей, Қазақстан, Өзбекстан және Жапон елінен жүзге тарта оқытушы қатысты. Әл-Фараби атындағы ҚазҰУ, шығыстану факультеті, Қытайтану кафедрасының 8 оқытушысы да бұл семинарға белсене қатысып, білімдерін жетілдірді.

2020 жылдың 11 желтоқсанында әл-Фараби атындағы ҚазҰУ мен М.К. Аммосов атындағы СШФУ арасында кезекті онлайн кездесу өтті. Аталмыш шара «Айналаңды нұрландыр» жобасы аясында Шығыстану факультеті Түрксой кафедрасының білім-ғылым және мәдени кеңістіктегі ынтымақтастықты дамыту мақсатында ұйымдастырылды. Қонақ ретінде ф.ғ.к., доцент Г.Г. Торотоев бастаған Сахалық профессорлық-оқытушылар құрамымен қатар магистранттар, студенттер де қатысты. 

Үстіміздегі жылдың 5-6 желтоқсан күндері ҚХР, Хуажун аграрлық университетінің Қытай мәдени коммуникациялық зерттеу орталығының ұйымдастыруымен “Қытай мәдениетін зерттеу және мәдени қарым-қатынас теориясы мен практикасына басты назар аудару қажеттіліктері” атты халықаралық форум онлайн режимінде өтті. Бұл форумға Қазақстан, АҚШ, Жапония, Индонезия, Камбоджа, Вьетнам, Гонконг, Тайвань және басқа елдер мен аймақтардан келген 27 сарапшы мен ғалымдар қатысып, бұлтты конференция арқылы ойларын бөлісті. Ал ғаламтор байланысы арқылы 300-дан астам адам қатысты.

Мамандық таңдау адам өміріндегі, соның ішінде, мектептегі білімдерін аяқтап, жаңа өмірге қадам басқалы отырған жас жеткіншектердің өміріндегі ең маңызды шешімдердің бірі болып табылады. Мамандық таңдау – оңай шаруа емес. Бұл – белгілі бір тұлғаның мінез-құлқының, жеке қабілет-қасиеттерінің, алдына қойған мақсат-мұраттарының айнасы.

03.12.2020 ж. халқымыздың кемеңгер тұлғасы, ұлы ақын Абай Құнанбайұлының 175 жылдық мерейтойына арналған “Абай және Шығыс әлемі” атты онлайн форматтағы Республикалық дөңгелек үстел өтті. Шараны әл-Фараби атындағы ҚазҰУ-дың Шығыстану факультеті мен Р.Б. Сүлейменов атындағы Шығыстану институты бірлесіп ұйымдастырды.

2020 жылдың 28 қарашасы күні Шығыстану факультетінің деканы Палтөре Ықтияр Молдатөреұлының басшылығымен факультет студенттеріне арналған онлайн кездесу өтті.