ҚАЗАҚСТАН РЕСПУБЛИКАСЫ БІЛІМ ЖӘНЕ ҒЫЛЫМ МИНИСТРЛІГІ

ӘЛ-ФАРАБИ АТЫНДАҒЫ ҚАЗАҚ ҰЛТТЫҚ УНИВЕРСИТЕТІ

АҚПАРАТТЫҚ ХАТ

Құрметті әріптестер!

            Әл-Фараби атындағы Қазақ ұлттық университеті 2011 жылдың 3 қарашасында «Тәуелсіз Қазақстанның медиабеделі: өзара ықпалдасу жолдары» тақырыбымен халықаралық ғылыми-тәжірибелік конференция өткізеді.

Халықаралық ғылыми-тәжірибелік конференцияның жұмысына шетел ғалымдары: Оклахома Штаты университетінің профессоры (АҚШ), «Медиа және стратегиялық коммуникация» мектебінің директоры,   «International Journal of Strategic Communication» журналының редакторы Дерина Холтзаусен, Оклахома Штаты университетінің профессоры Моурин Немечек, Торунь университетінің (Польша) профессоры, саяси ғылымдар және коммуникация факультетінің деканы Роман Беккер, Колумбия университетінің профессоры Рафиз Абазов қатысып, отандық ғалымдармен Қазақстанның елдік имиджі, ел имиджін қалыптастырудағы БАҚ рөлі, әлемдік ақпарат кеңістігіндегі тәуелсіз Қазақстан бұқаралық ақпарат құралдарының орны, қазақстандық және шетелдік БАҚ-тың ықпалдасу жолдары туралы ой бөліседі. Сондай-ақ, конференцияға бұқаралық коммуникация саласын зерттеуші ғалымдар мен қазақстандық БАҚ өкілдері қатысады. Конференция барысында қарастырылған мәселелердің аясында ұсынылған баяндамалар жинақ түрінде жарық көреді. Конференция бағдарламасында пленарлық және секциялық мәжілістер қарастырылады.

Конференция жұмысы барысында келесі мәселелер талқыланады:

1. Әлемдік ақпарат кеңістігіндегі тәуелсіз Қазақстан: бұқаралық ақпарат құралдарының орны мен қызметі. 

2. Қазақстанның елдік имиджін қалыптастырудағы БАҚ-тың рөлі.

3. БАҚ беделін қалыптастыру үдерісі және медиалогия.

4. Қазақстан және шетелдік жетекші ЖОО арасындағы білім беру саласындағы тәжірибе алмасу мәселелері.

5. Дәстүрлі және жаңа медиа: жаһандану үдерісіндегі өзара әрекеттесу жолдары.

Конференцияның жұмыс тілдері: казақ, орыс, ағылшын.

            Өтініш пен ғылыми мақаланы 2011 жылдың 28 қазанына дейін электронды және қағазға түсірілген нұсқаларымен мына мекенжайға жіберулеріңізге болады: 050040, Қазақстан Республикасы, Алматы қ., әл-Фараби даңғ., 71, әл-Фараби ат. ҚазҰУ, БОК-3Б, журналистика факультеті, 223 аудитория немесе эл поштаға:nijasgulova@mail.ru

Конференция үйлестірушісі – ЮНЕСКО, халықаралық журналистика және қоғаммен байланыс кафедрасы, тел.: 87017174542, 87019939007; (727) 377-34-43;

377 33 38 комм. ішкі 13-44, e-mail: nazgul_71@mail.ru., Nijasgulova@mail.ru

.

Баяндама мәтінін безендіруге қойылатын талаптар:

1. Баяндаманың көлемі А 4 форматында 6-8 бет;

2. Шрифт Times New Roman,  KZ Times New Roman, кегль 14;

3. Жоларалық қашықтық – 1;

4. Жиектері – 2 см.

Мақаланың аты үлкен әріптермен, қарамен бөліне отырып, жолдың ортасына нүктесіз жазылады. Одан төмен, бір интервал арқылы автордың (авторлардың) аты-жөні қара курсивпен жолдың ортасына, одан ары бір интервалмен қала мен жоғары оқу орнының аты жазылады.

Әдебиеттер тізімі мәтіннің соңында жұмыстың аталу тәртібімен көрсетіледі. Әдебиеттерге сілтеме «квадрат» жақшалар арқылы беріледі, қайталанған жағдайда реттік нөмірі мен беттің нөмірі көрсетіледі.

Мақаланың мәтіні мұқият тексерілген, қатесіз болуы тиіс. Талапқа сай келмейтін мақалалар жіберілмейді.

                                                      Конференцияны ұйымдастыру комитеті

ХАБАРЛАНДЫРУ

ҚР БҒМ бекіткен жоспарға және Әл-Фараби атындағы ҚазҰУ-дың жетекші шетел ғалымдарын шақыру бағдарламасына сәйкес журналистика факультетінің ЮНЕСКО, халықаралық журналистика және қоғаммен байланыс кафедрасының шақыруымен Торунь университетінің (Польша) профессоры, саяси ғылымдар және коммуникация факультетінің деканы Роман Беккер 2011 ;skls4 31 қазаннан 5 қарашаға дейін журналистика факультетінде халықаралық қатынастар және бұқаралық коммуникация мәселелері бойынша дәріс оқиды. Жұмыс кестесі қосымша берілді.