«Мәңгілік Ел» ғылыми негіздері (XXI ғасырдың білімі, гуманитарлық ғылымдар саласындағы іргелі және қолданбалы зерттеулер) бағытында  01.10.2020 ж. – 31.12.2022 ж. (27 ай) аралығында «Абай ілімін білудің, түсінудің және қолданудың ғылыми негіздері мен теориялық тетіктері» атты ғылыми жоба Абай институтының директоры, ф.ғ.д., профессор Жаңғара Дадебаевтың жетекшілігімен жүзеге асырылуда.

• Жобаның мақсаты – Абай ілімін білудің, түсінудің және қолданудың ғылыми негіздері мен теориялық тетіктерін анықтау болып табылады.

• Жобаның идеясы – Абай ілімін білудің, түсінудің және қолданудың ғылыми негіздері мен тетіктерін жасау арқылы Қазақстанның рухани, зияткерлік әлеуетінің дамуына, артуына үлес қосу. Шешу көзделетін мәселелер жобаның идеясынан туындайды. Әр мәселенің шешімі ғылыми негізделген және өлшемді нәтиже болады деп күтіледі.

Еуразия лингвистикалық мектебі

         2020 жылдың наурыз-сәуір айларында Әл-Фараби атындағы Қазақ ұлттық университеті шетел филологиясы және аударма ісі кафедрасының «Әлеуметтік лингвистика, аударма теориясы және практикасы» зертханасы мен «ALTAIR» балалар кітаптар академиясы бірлесе отырып VII Еуразиялық лингвистикалық мектебін «Дәуір және Тұлға: Тіл. Білім. Мәдениет» тақырыбында өткізді. (ұйымдастыру комитетінің төрағасы - шетел филологиясы және аударма ісі кафедрасының меңгерушісі, PhD докторы Аймағамбетова М.М.).

         Бұл іс-шара Шымкент пен Ташкент қалаларында өткізілу керек болған. Сонымен қатар, ЮНЕСКО шешімімен «ТМД елдерінің мәдени астанасы - 2020» мәртебесін алған Шымкент қаласында, Лингвистикалық мектеп аясында балалар кітап фестивалін өткізу жоспарланған болатын. Алайда, елімізде карантиндік шаралардың енгізілуіне байланысты Еуразиялық лингвистикалық мектебі қашықтық форматта өтті. Лингвистикалық мектеп қатысушыларына

(мектеп, колледж, жоғары оқу орындары оқытушыларына) онлайн режимінде мұғалімдерге арналған үздіксіз білім беру бағдарламасы бойынша «Адам капиталының даму трендтері: көптілділік жағдайындағы қаржылык, функционалды жане оқу сауаттылығы» тақырыбында дәрістер оқылды. Дәріс оқушылардың қатарында Мәскеу, Шымкент, Нұр-Сұлтан және Алматы қалаларының ғалымдары бар.

         2020 жылдың 5 сәуірінде ф.ғ.д, профессор Қазақстан халқы Ассамблеясы ҒСК-нің мүшесі Шәймерденова Нұрсұлу Жамалбекқызы «Қазақстанның көп тілді кеңістігіндегі орыс тілінде сөйлеу мәдениеті және социолингвистикалық құзіреттілік» тақырыбында вебинар өткізді.