Кафедраның оқытушылары қазақ ғылымына елеулі үлес қосып келеді. Жыл сайын республикалық, халықаралық 
басылымдарда ғылыми мақалалар жариялап, қазақ тілінің ғылыми әлеуетін арттыруда. Осы уақытқа дейін кафедра ғалымдары Scopus, 
Tomson Routhers сияқты әлемдік басылымдарда ғылыми жарияланымдар жариялап келеді. Олар: А.Салқынбай, А.Тымболова, 
Г.Смағұлова, О.Жұбаева, Х.Қарабаева, М. Малик.

«Еліміздің инновациялық дамуына менің қосқан нақты үлесім» атты студенттік инновациялық жобаның әлеуметтік-маңызды мәселелерді шешуге бағытталған «Рухани жаңғыру» бағдарламасы аясында әлеуметтік осал топтарға арналған нашар еститін, мүлде естімейтін, туа бітті мылқау, тілінде мүкісі бар  балалар мен ересектерге ыммен сөйлеу тілінде латын әліпбиін үйрету   жобасы жүлделі орынға ие болды. Жоба атауы: «Есту қабілеті шектеулі  балалар мен ересектерге ыммен сөйлеу тілінде латын әліпбиін үйрету».  Жоба авторы: 4 курс студенті  Иса Альвира Мәжитқызы. Жоба жетекшісі: Абдрахманова Жазира Әсембекқызы.

Бизнес-инкубатор

2018 жылдың сәуір айында әл-Фараби атындағы ҚазҰУ-да жыл сайын дәстүрлі түрде өтетін "Студенттік бизнес-инкубаторлар аясында ең үздік студенттік инновациялық жоба байқауында" 2-орын алғаны үшін Филология және әлем тілдері факультетінің 3-курс студенті Иса Альвира Мәжитқызы марапатталып, 100 000 теңгелік сертификатқа ие болды. Ғылыми жетекшісі - Қазақ тіл білімі кафедрасының оқытушысы  Абдрахманова Жазира Асембеккызы.

Бизнес-инкубатор

2017 жылдың сәуір айында жас ғалымдар мен студенттердің арасында ғылыми-инновациялық идеяларды қолдау мақсатында жарыс ұйымдастырылды. әл-Фараби атындағы ҚазҰУ студенттері өндіріске жарамды өнімдерді құрастырып, 40 жуық ғылыми жоба ұсынды. Соның бірі  – филология және әлем тілдері факультеті қазақ тіл білімі кафедрасының 4 курс студенті Садық Ақбота ұсынған «Лингво-текше». Ақботаның қазақ тілін үйретуде қолдануға жарамды бұл өнімі ең үздік, тұтынушыға қажет өнім ретінде танылып 2 орынды иеленді.