Факультеттің халықаралық ынтымақтастығы: Факультет Еуропа, Америка, Азияның 25 еліндегі ЖОО және ғылыми орталықтарымен тығыз ғылыми байланыста. Ынтымақтастық формалары әрқилы: оқытушылардың ғылыми тағылымдамалары, дәріс оқуға шетелдік профессорларды шақыру, бірлескен ғылыми зерттеулер, конференциялар өткізу, докторанттарға бірлесіп басшылық ету. АҚШ, Ұлыбритания, Германия, Франция, Швейцария, Үндістан, Қытай, Ресей т.б. елдерде шетелдік серіктестер ЖОО бар.

Халықаралық ұйымдармен ынтымақтастық: шетелдік мемлекеттер елшіліктерімен, БҰҰ, ЕҚЫҰ, НАТО, Еуропалық Одақ, ШЫҰ, Қызыл крест Комитеті тәрізді халықаралық және өңірлік ұйымдар өкілдіктерімен, ДААД, Ф.Эберт қоры, К.Аденауэр қоры, Британ Кеңесі сияқты т.б. халықаралық қорлармен және білім беру орталықтарымен ғылыми-тәжірибелік ынтымақтастық табысты түрде даму үстінде. Факультеттің халықаралық ынтымақтастығы студенттері мен оқытушыларының халықаралық ғылыми-білім алу ұтқырлығын дамытуға ықпал етеді.

"Елшілік сағат": факультет өз жұмысын шет елдер елшіліктерімен, шетелдік өкілдіктер және компаниялармен, мәдениет орталықтарымен тығыз байланыста жүргізеді. Республика бойынша тек осы Халықаралық қатынастар факультетінде ғана "Елші сағаты" өтеді, онда студенттер дипломатиялық корпус өкілдерінің дәрістерін тыңдайды. Отандық және шетелдік дипломатия қызметкерлері, сонымен қатар БҰҰ, Еуропалық Одақ, ЕҚЫҰ, НАТО, Гете атындағы институт, ДААД, USIS, British Council, Француз Орталығы, Ф.Эберт атындағы қор т.б. сияқты әрқилы халықаралық ұйымдар өкілдері ашық дәрістер өткізеді.