Мен сіздердің Әл-Фараби атындағы Қазақ ұлттық университеті мен география және табиғатты пайдалану факультетіне деген қызығушылығыңызды құптаймын. Біз және біздің Батыс Еуропа, Америка, Қытай, Оңтүстік-Шығыс Азия, Жапония мемлекеттеріндегі  серіктестерімізбен  бірге, яғни алдыңғы қатардағы білім беру орталықтарында естен кетпес сапарды бастайтындарыңызға қуаныштымыз.

   Қазіргі таңда, заман талабына сай қоршаған ортада, географияда, соның ішінде геодезия және картографияда, кадастрда, ГАЖ технологияларында, метеорологияда, гидрологияда, туризмда  болып жатқан жаһандық және аймақтық өзгерістер ұлттық қауіпсіздік және мемлекетіміздің тұрақты дамуында өте маңызды болып табылады. Алдыңғы қатарға климаттық өзгерістер және бейімделу, су және энергетикалық қауіпсіздік шықты.

   Кеңістікті, территорияны, ресурстық потенциалды, болып жатқан үрдістерді үнемі қадағалау негізінде шешім қабылдауды кешенді бағалауды, ең маңызды трендтерді анықтауды тек география ғана жүргізе алады, соның нәтижесінде бейімдеудің тиімді механизмдерін құрастыруға болады.

   Экология және тіршілік қауіпсіздігі және қоршаған ортаны қорғау бағыттарына жеке тоқталып кеткім келеді. Біздің факультетімізде алдыңғы қатардағы Колумбиялық университет (Нью-Йорк, АҚШ), Лиссабон Политехникалық университеті (Португалия), Халықаралық табиғат, қоғам және адам университеті «Дубна» (Ресей) және басқа да шетелдік университеттермен бірлесе отырып, ТМД мемлекеттерінің ішінде жалғыз, халықаралық «Тұрақты даму жөніндегі» ЮНЕСКО кафедрасы құрылған. Оның басты мақсаты – «Экология» және «Тіршілік қауіпсіздігі және қоршаған ортаны қорғау» мамандықтары базасында ҚР тұрақты инновациялық энергоэкологиялық даму саласында пәнаралық негізде, Қазақстанды «Жасыл экономикаға» өткізуге жұмыс атқаратын, халықаралық  стандарттар деңгейіндегі кәсіби компетенцияларға ие мамандар дайындау.

   Мен сіздермен кездесуді асыға күтудемін, сондай-ақ география және табиғатты пайдалану факультетіне түсуге сәттілік тілеймін.

г.ғ.к., доцент  

Алия Сагындыковна Актымбаева