ҚазҰУ-да Пан Ги Мун атындағы Тұрақты даму институты «Жібек жолындағы ақылды қалалар: тұрақты қалаларды дамытудағы халықаралық тәжірибе» тақырыбында ғылыми жобаның тұсаукесері өтті.

Бұл жоба әл-Фараби атындағы ҚазҰУ-дың ЮНЕСКО тұрақты даму жөніндегі кафедрасы мен Біріккен Ұлттар Ұйымының академиялық ықпал бағдарламасы және MDP / Global Classroom бағдарламасы бірлесе ұйымдастырды.

Аталған шараны ҚазҰУ-дың бірінші проректоры Мұхамбетқали Бүркітбаев ашып, бұл ғылыми монографияның басты мақсаты тұрақты қалалар мен қалалардың құрылуы, орнықты даму үшін тиімді институттар мен серіктестіктердің қызметін жан-жақты талдауға арналған дейді.

Бірінші бөлімде жаһандық тенденциялар мен урбанизация мен интеллектуалды және тұрақты қалалардың даму тенденциялары қарастырылады. Екінші бөлімде мысал ретінде нақты қалалар мен университет қалашықтарын пайдалана отырып, ақылды және тұрақты қалаларды дамытудағы үздік халықаралық тәжірибе бағаланады. Үшінші бөлімде Қазақстан Республикасында және Орталық Азияда ақылды және тұрақты қалалар мен кампустарды дамыту тәжірибесі бағаланады.

Тұрақты дамып келе жатырған қалалар бойынша бір жылдық ауқымды зерттеулерден кейін жоба сәтті аяқталды. Бұл бірегей жұмысқа отандық және шетелдік зерттеушілердің жұмыстары кіреді. Мұнда статистикалық зерттеулер жүргізіліп, оның барысында болашақ тұрақты ақылды қалалар үшін ең жақсы ұсыныстар жасалды. Жоба нәтижелерінің бірінші томы орыс және ағылшын тілдерінде шығарылды.

www.kaznu.kz