2023 жылғы 29 мамырда Әл-Фараби атындағы ҚазҰУ химия және химиялық технология факультетінің жалпы және бейорганикалық химия кафедрасы Е. Ерғожин атындағы Ғылыми кеңестің мәжіліс залында "Төтенше жағдайларға ден қою жөніндегі нұсқаулық (ERG)" анықтамалығының тұсаукесерін ұйымдастырды. Бұл нұсқаулықты дүние жүзіндегі көптеген төтенше жағдайларды жою қызметтері пайдаланады және құтқарушыларға қауіпті химиялық заттармен байланысты жазатайым оқиғаларды тануға, өмірге қауіп төндіретін заттарды анықтауға, қорғаныс құралдары мен эвакуация стратегияларын таңдауға, халық пен қоршаған ортаға зиянды азайтуға және сайып келгенде өмірді сақтауға көмектеседі.

"Мұнайхимия" мамандығы бойынша білім беру бағдарламасына сәйкес және 2015 жылы БҰҰ Бас Ассамблеясы бойынша кафедра профессорлары Л. Р. Сасықова, Ж.Х. Ташмұхамбетова және Е. А. Әубәкіров әзірлеген орнықты даму жөніндегі негізгі мақсаттарды ескере отырып, магистратура оқушылары үшін қазақ, ағылшын және орыс тілдерінде "Мұнайхимия өндірісінің өзекті экологиялық аспектілері" дәрістер курсы оқылды. Осы пән бойынша курс оқытушыларының ағылшын тілінде "L. R. Sassykova, Y. A. Aubakirov, Z. K. Tashmukhambetova. Actual ecological aspects of petrochemical manufactures. ISBN 978-601-04-4096-8. Almaty, Qazaq University" әдебиетіндегі, оның жекелеген тарауларында БҰҰ-ның Орнықты даму саласындағы 3, 6, 7, 12, 13 және 15 мақсаттарының мәні мен шешу жолдары сипатталған. Пән сабақтарына пікірталас алаңы, викторина, ойын әдістері сияқты оқыту түрлері кіреді; оқу үдерісі шеңберінде Салауатты өмір салтын қамтамасыз ету (БҰҰ №3 мақсаты), планетадағы климаттың өзгеруі мәселелері (БҰҰ № 13 мақсаты), ауаның, топырақтың, су ресурстарының ластануы, оларды тазарту және ұтымды пайдалану (БҰҰ №6, 13, 15 мақсаттары), қазіргі заманғы арзан энергия көздерін синтездеу тақырыптары жан-жақты талқыланады (БҰҰ мақсаты №7). Оқу құралының авторлары БҰҰ қабылдаған тұрақты даму мақсаттарына сәйкес келетін ғылыми жобаларға қатысуда көп жылдық тәжірибесі бар екенін атап өткен жөн (БҰҰ-ның №6, 7, 15 мақсаттары). Олар халықаралық конференцияларда ғылыми нәтижелерін баяндады және Scopus, Web of Science базаларында индекстелетін басылымдарда мақалалар жариялады. Кафедра оқушылары дәрістер курсын игеріп қана қоймай, пікірталастарға қатысады, сонымен қатар кафедраның профессорлық-оқытушылық құрамының басшылығымен (БҰҰ мақсаттары №6, 7, 12, 13, 15) тұрақты даму мақсаттарына сәйкес тақырыптар бойынша ғылыми жобалар аясында жұмыс жасайды.

2023 жылдың 11 мамырында Алматы қаласында көрнекті қоғам және мемлекет қайраткері, Қазақстанның жоғары мектебінің ұйымдастырушысы, КСР еңбек сіңірген ғылым қайраткері, химия ғылымдарының докторы, профессор, ҚР ҰҒА академигі, 18 жыл бойы Алматы қаласы Ардагерлер кеңесін басқарған Шайқұтдінов Еренғайып Мәлікұлына арналған мемориалдық тақта ашылды.

Әл-Фараби атындағы Қазақ ұлттық университетінде ҚР ҰҒА академигі Еренғайып Мәлікұлы Шайқұтдіновтың туғанына 90 жыл толуына арналған «Химия және химиялық инженерия саласындағы жоғары білім мен ғылымның заманауи трендтері» атты халықаралық ғылыми-практикалық конференциясы басталды.

2023 жылдың 22 сәуірінде химия және химиялық технология факультетінің қабырғасында физикалық химия және катализ кафедрасы және «Фармацевтикалық өндіріс технологиясы» мамандығының 2-курс студенттері ұйымдастырған "league of chemists" ІІІ Ұлттық интеллектуалды сайысы өтті. Сайысқа әл-Фараби атындағы ҚазҰУ, Сәтбаев атындағы ҚазҰТЗУ студенттерінен құралған 7 команда қатысты.

Сайыс өте қызықты және әсерлі өтті. Іс-шараға әртүрлі топтар қатысып, өзінің мықты жақтарын көрсете алды. Бірінші кезеңде қатысушылардың креативтілігін байқататын видео-роликпен таныстырды. Келесі кезеңдерде қатысушылар химияның әртүрлі саласында өздерінің білімдерін көрсетті.

Жүлделі 1, 2 орын алған әл-Фараби атындағы ҚазҰУ "Флогистон" және "Феррум" командалары және 3 орын иегері Сәтбаев Университетінің "Алмаз" командасы (команда мүшелері: Байтемирова Нургуль, Амангелді Әсем, Қазыбай Индира, Қаражанова Айғанша, Мустафа Хали, команда жетекшісі: Мырзабекова Шарбану Уметаевна) дипломдармен марапатталып, сайысқа белсенді қатысқан командалар әр түрлі номинацияларда сертификаттарға ие болды.

2023 жылдың 24-28 сәуір аралығында cағат 10:00-17:00 дейін химия және химиялық технология факультетінде жалпы және бейорганикалық химия кафедрасы жапондық атом агенттігімен бірлесіп "Environmental radioactivity monitoring" қоршаған ортаның радиоактивтілігін мониторингілеу бойынша халықаралық мектеп өткізеді. Курс соныңда қатысушыларға сертификат беріледі. Өтетін орны: Е.Е.Ерғожин атындағы Ғылыми Кеңес Мәжілісінің Залы. Аталған мектепке қатысуға ниет білдіргендерді 87771797309 Меруерт М. нөмірі бойынша тіркелуді сұраймыз.

20.04.2023 жылы сағат 14:00-де Әл-Фараби атындағы ҚазҰУ-нің Бірімжанов залында өтетін "Химия және өмір" атты көңілді жайдарман кешінің құрметті көрермені болуға шақырамыз.
Ұйымдастырушылар: Жалпы және бейорганикалық химия кафедрасы: х.ғ.к аға оқытушы Далабаева Н.С., х.ғ.к Кудреева Л.К. және х.ғ.д. доцент Балғышева Б.Д. “7М01503-Химия білім беру” мамандықтарының 1 курс магистранттары Сардан Балауса, Садуақас Жансая, Кеңесбай Ақбота, Төлегенова  Дильназ, Жұмабекова Аида.

19.04.2023ж факультет студенттері мен медициналық психолог Қараманова Айгүл ханыммен «Мен өз мамандығымды сүйемін» атты кездесу өтті.

«7М07202-Мұнай және газ ісі» білім беру бағдарламасы бойынша «Физикалық химия, катализ және мұнай химиясы» кафедрасының магистратурасының түлектері, Лотарингия университетінде қос дипломдық бағдарлама бойынша білім алған Махамбетов Ахат Ерболұлы және Байжунусов Кенжебек Мырзахметұлы. Францияның Нанси қаласында орналасқан, оқуын сәтті аяқтап, магистрлік диссертацияларды қорғағаннан кейін ұзақ күткеннен кейін екінші дипломдарын алды.

Кафедра басшылығы мен профессорлық-оқытушылық құрамы түлектерді құттықтап, оларға амандық, әрі қарай өркендеу тілейді.