Бауыржан Момышұлының өмір жолы мен ерлік жолын насихаттайтын көшпелі фотокөрменің алғашқы аялдамасы Қазақ ғылымының қара шаңырағы әл-Фараби атындағы ҚазҰУ-дың Филология, әдебиеттану және әлем тілдері факультетінің дәлізінде болды. Көрменің өтуіне мұрындық болған «Фотоөнер» қоғамдық бірлестігі мен Филология, әдебиеттану және әлем тілдері факультетінің деканы Өмірхан Әбдіманұлы. Бауыржан Момышұлы (24 желтоқсан 1910 — 10 маусым 1982) — Кеңес одағының батыры, жазушы, Екінші дүниежүзілік соғыстың даңқты жауынгері, әскери қолбасшы, стратег және тактик. Биыл Ұлы батырдың 105 жылдығы тойланып жатыр.